Home ՀԱՅԱՍՏԱՆ Կառավարութեան Ծախսերը Եղած են Անտրամաբանական եւ Ոչ Արդարացուած. Էտուարտ Աղաճանեան

Կառավարութեան Ծախսերը Եղած են Անտրամաբանական եւ Ոչ Արդարացուած. Էտուարտ Աղաճանեան

by MassisPost

Կառավարութեան աշխատակազմը եղած է ուռճացուած, ծախսերը՝ անտրամաբանական եւ ոչ արդարացուած, կառավարութեան նիստէն յետոյ լրագրողներու հետ ճեպազրոյցի ժամանակ ըսած է վարչապետի աշխատակազմի ղեկավար Էտուարտ Աղաճանեան։

«Մեր նախնական դիտարկումները ցոյց են տալիս, որ իրօք կառավարութեան աշխատակազմը ուռճացուած է եղել այս տարիների ընթացքում, եղել են բազմաթիւ անտրամաբանական եւ ոչ արդարացուած ծախսեր՝ խօսքը գնում է ծառայողական ավտոմեքենաների մասին, վառելիքի համար տրամադրուող կտրօնների մասին, որոնք իրօք անտրամաբանական են, ու դուք շուտով եւս կը տեղեկանաք այդ մասին», – ըսած է Աղաճանեանը։

«Այն, որ մեր կառավարութիւնը գործելու է անհամեմատ աւելի ազդեցիկ, դա միանշանակ է, եւ շուտով դուք կը տեղեկանաք բոլոր այդ մեքենաների, վառելիքի կտրօնների կրճատման մասին», – ըսած է Աղաճանեանը՝ պարզաբանելով. – «Կառավարութեան աշխատակազմի ենթակայութեան տակ գտնուող մեքենաների թիւը տուեալ պահին մօտ 110 է, խօսքը չի գնում այլ գերատեսչութիւնների տրամադրութեան տակ գտնուող մեքենաների մասին։ Այս թիւը, մեր նախնական հաշուարկներով, մօտ 30 տոկոս կրճատման ենթակայ է։ Նախարարութիւնների մեքենաները, բնականաբար, չեն մտնում դրա մէջ, այդ ուղղութեամբ եւս պէտք է ուսումնասիրութիւններ իրականացուեն։ Ես կարծում եմ, որ այդ պենզինի, վառելիքի համար տրամադրուած կտրօններն են շատ մեծ ծախս ենթադրում պետական պիւտճէ (եկամուտ), այստեղ իրօք շատ մեծ խնայողութիւնների տեղ կայ։ Բաժնի ղեկավարներին եւ վարչութիւնների ղեկավարներին տրամադրուող շաբաթական վառելիքի քանակութիւնը, եթէ չեմ սխալւում, կազմում է 300 լիթր, մեր բոլոր հաշուարկներով սա չափազանց ուռճացուած թիւ է՝ հաշուի առնելով, որ վարչութեան ղեկավարները, աշխատակիցները հիմնականում տնից գալիս են աշխատանքի եւ ետդարձ, սա չի կարող լինել արդարացուած»։

«Ազատութեան» հարցին, թէ «ի՞նչ չարաշահումներ են եղել կառավարութեան աշխատակազմում, որոնք կը յանձնէք, օրինակ՝ Ազգային անվտանգութեան ծառայութեան», Աղաճանեանը պատասխանած է. – «Ես կարծում եմ, որ այս ընթացքում այդ գործընթացը կը բերի նաեւ նման ընթացքի, որովհետեւ, այո՛, մենք արդէն իսկ նկատել ենք որոշ չարաշահումների դրսեւորումներ եւ մօտ ապագայում Դուք կը տեղեկանաք այդ մասին, իսկ թէ ի՞նչ ընթացք կը տրուի, ինչպէս օրէնքն է պահանջում, դա համապատասխան ընթացք կ’ունենայ»։

Հարակից Նյութեր

Leave a Comment