ՍԴՀԿ Հայ Ամերիկեան Խորհուրդը (ՀԱԽ) հրապարակեց Յունիս 6-ի Քալիֆորնիոյ նախնական ընտրութիւններուն առթիւ իր զօրակցութիւնը վայելող թեկնածուներու անունները:
Այս առթիւ հրապարակուած յայտարարութեան մէջ ՀԱԽ կը յայտնէ որ, զօրակցութեան առթիւ ուսումնասիրուած են պաշտօնի վրայ եղող թեկնածուներու անցեալի գործունէութիւնը, իսկ նոր թեկնածուներու պարագային որոշումը հիմնուած է անոնց ուղղուած շարք մը հարցումներուն տուած պատասխաններուն վրայ` Ամերիկահայութիւնը յուզող հարցերու շուրջ եւ պատրաստակամութիւնը սատարելու Հայկական Ցեղասպանութեան ճանաչման, հանրային դպրոցներէն ներս ցեղասպանութեան նիւթի ուսուցման եւ Հայաստանի ու Արցախի Հանրապետութիւններու անկախութեան աջակցութեան:
Զօրակցութեան արժանացած թեկնածուներու մեծ մասը ներկայիս կը պաշտօնավարէ եւ ունի հայանպաստ կեցուածք:
ՀԱԽ-ի զօրակցութիւնը վայելող թեկնածուներու շարքին են նահանգի կառավարիչի պաշտօնին Անթոնիօ Վիարակոսա, Ամերիկայի Ծերակոյտի աթոռին համար Քէվըն Տէ Լիոն եւ Ամերիկեան Գոնկրէսի անդամ Ատամ Շիֆֆ:
Ամբողջական ցանկը`