Սահմանադրական դատարանը երբեք չի համագործակցիր որեւէ քաղաքական ուժի հետ, Սահմանադրական դատարանը կ’իրականացնէ իր գործառոյթները: Այս մասին «Հայաստան» համահայկական հիմնադրամի հոգաբարձուներու խորհուրդի նիստի ընդմիջման լրագրողներու հետ զրոյցին ըսած է ՀՀ սահմանադրական դատարանի նախագահ Հրայր Թովմասեանը՝ անդրադառնալով վարչապետ Նիկոլ Փաշինեանի հետ համագործակցութեան մասին լրատուամիջոցներու հնչեցուցած հարցին:
Լրագրողներու հարցին, թէ Հրայր Թովմասեանի հեղինակած Սահմանադրութեան որպէս արդիւնք չէ՞ր, որ ապրիլին Հայաստանը նման իրավիճակի մէջ յայտնուեցաւ, ան նշած է, որ այն Սահմանադրութիւնը, որու մշակման ինքը մասնակցած է, արժանացած է ե’ւ հայաստանեան, ե’ւ միջազգային հեղինակաւոր կազմակերպութիւններու բարձր գնահատականին, այս ժամանակահատուածին որեւէ խնդիր չէ առաջացած: Հայաստանի մէջ չկայ սահմանադրական փակուղի»,- ըսած է Հրայր Թովմասեանը։
Սահմանադրական դատարանի նախագահը նշած է, որ պատրաստ չէ հրաժարական տալու: Ան խօսած է նաեւ Սահմանադրական դատարանի կազմի մէջ Վահէ Գրիգորեանի թեկնածութեան մասին:
Հրայր Թովմասեանը լրագրողներուն յորդորեց իրեն քաղաքական բաղադրիչ պարունակող հարցեր չտալ:
