Պաշտօնական Անգարան յայտարարած է՝ Իսրայէլը, ճանչնալով Հայոց ցեղասպանութիւնը, կը վնասէ ինքզինք եւ կասկածի տակ կը դնէ Հոլոքոսթի յատուկ կարգավիճակը:
«Մենք կը կարծենք, որ Իսրայէլը, 1915 թուականի իրադարձութիւնները հաւասարեցնելով Հոլոքոսթին, առաջին հերթին կը վնասէ ինքզինք»,- ըսած է Թուրքիոյ արտաքին գործոց նախարարութեան խօսնակ Համի Աքսոյը, արձագանգելով Հայոց ցեղասպանութեան ճանաչման մասին բանաձեւի նախագիծը Իսրայէլի Քնեսեթի օրակարգի մէջ ընդգրկելու որոշման:
Իսրայէլցի պատգամաւորները Հայոց ցեղասպանութեան ճանաչման անհրաժեշտութեան մասին հերթական անգամ խօսած են թուրք-իսրայէլական նոր դիւանագիտական ճգնաժամի կապակցութեամբ:
