Վարչապետ Փաշինեանը յոյս յայտնած է, որ Եւրասիական տնտեսական միութեան ու Պարսկաստանի միջեւ ստորագրուած «Ազատ առեւտուրի գօտիի մասին» համաձայնագիրը կը խթանէ հայ-պարսակական առեւտրատնտեսական յարաբերութիւնները:
Վարչապետը ընդգծած է, որ այդ համաձայնագիրի մէջ Հայաստանի շահերը լիարժէքօրէն հաշուի առնուած են եւ աւելցուցած է․ «Յոյս ունենք, որ այդ կ’աշխուժացնի Իրանի հետ մեր առեւտրատնտեսական յարաբերութիւնները, որովհետեւ հնարաւորութիւններ են ստեղծւում: Յոյս ունենք, որ այդ հնարաւորութիւնները լիարժէք կ’օգտագործենք»:
ԵՏՄ-ի ու Պարսկաստանի միջեւ Ղազախստանի մայրաքաղաք Աստանայի մէջ ստորագրուած՝ «Ազատ առեւտուրի գօտիի մասին» ժամանակաւոր համաձայնագիրի շնորհիւ շարք մը ապրանքներու ներմուծման պարագային նուազած կամ զրոյացած է մաքսային վճարները: Ժամանակաւոր համաձայնագիրի լիազօրութիւնը երեք տարի է, այդ ընթացքին պէտք է նախապատրաստուի լիարժէք համաձայնագիրը: