Հինգշաբթի, Մայիս 10, 2018, ՀՄՄ-ի Կարօ Սողանալեան սրահէն ներս, Ս.Դ.Հ.Կ. Փարամազ Մասնաճիւղի կազմակերպութեամբ տեղի ունեցաւ զրոյց-հանդիպում Պոլսահայ լրագլրողª Արիս Նալճըլի հետ, որ գաղութէն ներս կը գտնուէր Պոլսահայ Միութեան հրաւէրով: Ձեռնարկին ներկայ էին Ս.Դ.Հ.Կ.-ի Կեդրոնական վարչութեան եւ վարիչ Մարմնի անդամներ,Պոլսահայ միութեան անդամներ եւ հիւրեր:
Ս.Դ.Հ.Կ. «Փարամազ» մասնաճիւղի անունով Լենա Մանուկեան ներկաներուն բարի գալուստ մաղթեց եւ անդրադարձաւ այս օրերուն Հայրենիքի եւ սփիւռքի մէջ տիրող անսահման ուրախութեան եւ յաղթանակի արձագանքներուն մասին` Նիկոլ Փաշինեանի նոր վարչապետ ընտրուելուն առիթով: Հայ ժողովուրդի պատմութեան մէջ նոր էջ մը կը բացուի պայծառ ապագայի մը հեռանկարով:
Լենա Մանուկեան ներկայացուց Արիս Նալճըի կենսագրական գիծերը: Ան եղած է տարիներու «Ակօս» հայկական Շաբաթաթերթի խմբագիր, խորհրդակցութիւններ կատարած է եւ կառավարած է տասնեակ մը ծրագիրներ` Հայաստանի եւ Թուրքիոյ միջեւ, ինչպէս թուրք-հայկական երկխօսութիւնը: Ան մասնակցած է գիտաժողովներու` Հայ եւ Թուրք յարաբերութիւններու մասին, Թուրքիոյ եւ Հայաստանի մէջ:
Արիս Նալճըի կարեւիր աշխատանքներէն մին եղած է Ս.Դ.Հ.Կ.-ի Քսան Կախաղաններու գիրքի թարգմանութիւնը հայերենէ-թրքերէնի:
Արիս Նալճըն տեղեկացուց որ գործակցած է թուրք յառաջդիմական մտաւորական Գատիր Ագընի հետ: Միասնաբար պրպտած են թրքական արխիւները եւ այդ ժամանակաշրջանի հրատարակութիւնները, հարցազրոյցները եւ թուրք պատմաբաններու գրութիւնները:
Ան յայտնեց որ, Փարամազի նուիրուած թրքերէն լեզուով հատորը առաջին անգամ հրապարակ հանուեցաւ հինգ տարի առաջ, գիրքի մեծ տօնավաճառի մը ընթացքին: Այնուհետեւ նոյն գիրքը արժանացաւ չորս հրատարակութեան` Ervensel հրատարակչատունէն, որ յետոյ փակուեցաւ պետութեան կողմէ:
Արիս Նալճը իր ելոյթով անդրադարձաւ հայ-թուրք յարաբերութիւններու, թրքահայերու եւ թուրքիոյ մէջ տիրող իրադարձութիւններուն մասին:
Ապա ան պատասխանեց ներկաներու բազմաթիւ հարցումներուն:
Փակման խօսքով բեմ հրաւիրուեցաւ Փարամազ մասնաճիւղի ատենապետ Ընկ. Տիրան Ճէրէճեան: Ան շնորհակալութիւն յայտնեց ներկաներուն եւ օրուայ բանախօսին, գնահատելով անոր ելոյթը եւ ներդրումը հայ-թուրք յարաբերութիւններու ծիրէն ներս:
Ներկաները մեծ գոհունակութեամբ շնորհակալութիւն յայտնեցին այս յատուկ ձեռնարկի պատրաստութեան եւ կազմակեր-պութեան համար եւ լրագրող Արիս Նալճըին:
