Home ԳԼԽԱՒՈՐ ԼՈՒՐԵՐ «Որոշել Ենք՝ Սերժ Սարգսեանը Պէտք է Լինի Վարչապետ» Կարէն Կարապետեան

«Որոշել Ենք՝ Սերժ Սարգսեանը Պէտք է Լինի Վարչապետ» Կարէն Կարապետեան

by MassisPost

Վարչապետի պաշտօնակատար Կարէն Կարապետեանը անդրադարձած է նախագահ Սերժ Սարգսեանի հետ ունեցած հանդիպմանը, պատասխանած է նաեւ ապագայ վարչապետի թեկնածութեան մասին հարցին եւ յայտնած է իր տեսակէտը:

«Նախագահ Սերժ Սարգսեանին զեկուցել եմ մեր թիմի կատարած աշխատանքի մասին, քննարկել ենք՝ որտեղ ենք գտնւում, մեր պատկերացմամբ ինչ ապագայ ունենք եւ ինչպէս պէտք է դրան հասնել: Համոզուած եմ, որ մենք իրականում ունենք շատ լաւ հնարաւորութիւններ մօտակայ տարիներին յաջողութիւններ արձանագրելու համար: Մեր կանխատեսումներով՝ մենք ունենալու ենք տնտեսական աճ, եւ քաղաքական երկխօսութեան պարագայում կարող ենք ֆունդամենտալ, երկար հորիզոնով բարեփոխումներ անել եւ նաեւ յստակ պատկերացնում ենք, թէ դրանք ինչպէս պէտք է անենք:

«Այո, անդրադարձել ենք նաեւ վարչապետի թեկնածուի վերաբերեալ հարցին, խօսել ենք Սահմանադրութեան, կառավարման նոր համակարգի մասին: Համակարծիք էինք, որ երկրի առջեւ կանգնած մարտահրաւէրների եւ խնդիրների պարագայում կառավարման նոր համակարգին սահուն անցումը  ապահովելը եւ վերջնական ձեւաւորումը չափազանց կարեւոր խնդիր է: Ինչպէս նաեւ հաշուի առնելով վերջին ժամանակահատուածում ներկայիս կառավարման ձեւով արձանագրուած յաջողութիւնները՝ որոշել ենք մեր կուսակցական գործընկերներին առաջարկել այս ժամանակահատուածում ներկայիս կառավարման ձեւը պահպանել, այսինքն, որպէս առաջին դէմք ներկայացնել Սերժ Սարգսեանի թեկնածութիւնը:

«Որովհետեւ, կրկնում եմ, չափազանց կարեւոր է սահուն, արդիւնաւէտ եւ ռիսկերը (վտանգ) նուազեցնելով անցում կատարել կառավարման նոր համակարգին», ըսած է հրաժարեալ վարչապետ Կարէն Կարապետեան:

 

Հարակից Նյութեր

Leave a Comment