Հայաստանի ֆութպոլի միութեան շտապ-բնակարանի մէջ կայացած է ՀՖՖ գործկոմի հերթական նիստը: ՀՖՖ կայքէջի փոխանցմամբ՝ օրակարգային հարցերէն եղած է Հայաստանի ազգային հաւաքականի գլխաւոր մարզիչի նշանակումը:
«ՀՖՖ նախագահ Ռուբէն Հայրապետեանն առաջարկեց քննարկել Վարդան Մինասեանի թեկնածութիւնը: Գործկոմի անդամները միաձայն կողմ արտայայտուեցին ներկայացուած թեկնածութեան վերաբերեալ եւ Վարդան Մինասեանը հաստատուեց Հայաստանի ազգային հաւաքականի գլխաւոր մարզիչի պաշտօնում: Միեւնոյն ժամանակ՝ Հայաստանի երիտասարդական հաւաքականի գլխաւոր մարզիչ հաստատուեց Արմէն Գիւլպուտաղեանցը»,- մասնաւորապէս, նշուած է հաղորդագրութեան մէջ: Վարդան Մինասեանը Հայաստանի ընտրանին մարզած է նաեւ 2009-2013 թուականներուն:
Հայաստանի ֆութպոլի ազգային հաւաքականի նախկին գլխաւոր մարզիչ Արթուր Պետրոսեանը 6 Ապրիլին ներկայացուցած է հրաժարականը։