Home ԳԼԽԱՒՈՐ ԼՈՒՐԵՐ Forbes-ի «Միլիարատէրեր-2018» Ցանկին Մէջ Ընդգրկուած են Հայազգի Երեք Գործարարներ

Forbes-ի «Միլիարատէրեր-2018» Ցանկին Մէջ Ընդգրկուած են Հայազգի Երեք Գործարարներ

by MassisPost

Ամերիկեան Forbes հանդէսի կազմած աշխարհի ամենահարուստ մարդոց վարկանիշային ցուցակին մէջ ընդգրկուած են ծագումով հայ երեք գործարարներ: Ինչպէս կը փոխանցէ «Արմենպրես»-ը, «Միլիարատէրեր-2018» վարկանիշի մէջ Ռուսաստանի մէջ գործունէութիւն ծաւալող «Մագնիտ» ցանցի հիմնադիր, «Կրասնոդար» ֆութպոլային ակումբի նախագահ Սերկէյ Գալիցկին (Յարութիւնեան) 4 միլիար տոլար կարողութեամբ կը զբաղեցնէ 550-րդ հորիզոնականը:

«Տաշիր» ընկերութիւններու խումբի հիմնադիր եւ նախագահ Սամուէլ Կարապետեանը 3,7 միլիարդ տոլար կարողութեամբ կը գրաւէ 606-րդ հորիզոնականը: 2,7 միլիարդ տոլար կարողութեամբ արժանթինահայ գործարար, Հայաստանի ազգային հերոս Էտուարտօ Էռնէկեանը կը զբաղեցնէ 887-րդ տեղը:

«Միլիարատէրեր 2018» վարկանիշային աղիւսակի առաջին հորիզոնականը 112 միլիարդ տոլար կարողութեամբ կը զբաղեցնէ Amazon-ի սեփականատէր Ճեֆ Պեզոսը, 90 միլիարդ տոլարով անոր կը յաջորդէ Microsoft-ի հիմնադիր Պիլ Կեյթսը, իսկ 84 միլիարով երրորդ տեղը կը գրաւէ ամերիկացի ներդրող Ուորէն Պաֆէթը:

Ամենահարուստներու տասնեակի մէջ ընդգրկուած են նաեւ LVMH ընկերութիւնը ներկայացնող ֆրանսացի Պեռնար Արնօն՝ 72 միլիարդ կարողութեամբ, Facebook-ի հիմնադիր Մարգ Զագըրպերկը՝ 71 միլիարդով, Zara-ի հիմնադիր Ամանսիօ Օրտեկան՝ 70 միլիարդով, մեքսիքացի գործարար Գարլոս Սլիմը՝ 67,1 միլիարով, ամերիկացի Գարլոս Գոչը՝ 60 միլիարդով, նոյնքան կարողութեամբ Տեյւիտ Գոչը եւ ամերիկացի Լարի Էլիսոնը՝ 58,5 միլիար տոլար կարողութեամբ:

Հարակից Նյութեր

Leave a Comment