Կարգաւորման գործընթացը կարեւոր օգուտներ կը բերէ Թուրքիոյ, Հայաստանի, ինչպէս նաեւ Կովկասեան ողջ տարածաշրջանի համար։ Այդ մասին NEWS.am-ի հարցմանն ի պատասխան յայտնած են ԱՄՆ-ի դեսպանատունէն՝ մեկնաբանելով հայ-թրքական արձանագրութիւններու կնքման ընթացակարգի կասեցումը։
«Մենք տեղեակ ենք, որ նախագահ Սարգսեանը յայտարարեց 2009-ին Ցիւրիխի մէջ ստորագրուած հայ-թրքական արձանագրութիւնները պաշտօնապէս չեղարկելու մասին, սակայն ան միաժամանակ փաստեց, որ Հայաստանը պիտի շարունակէ հաւատարիմ մնալ ապագային առանց նախապայմաններու Թուրքիոյ հետ յարաբերութիւններու կարգաւորման իր յանձնառութեան: Մենք երկու կողմերն ալ կը խրախուսենք հաշտեցման ու յարաբերութեանց կարգաւորման համար դուռը բաց պահել: Կարգաւորման գործընթացը կարեւոր օգուտներ կը բերէ Թուրքիոյ եւ Հայաստանի, ինչպէս նաեւ Կովկասեան ողջ տարածաշրջանի համար»,- նշած են դեսպանատունէն:
Յիշեցնենք, որ Մարտ 1-ին ՀՀ նախագահ Սերժ Սարգսեանի հրամանագրով դադրեցուած է հայ-թրքական արձանագրութիւններու կնքման ընթացակարգը: