Home ԳԼԽԱՒՈՐ ԼՈՒՐԵՐ Նոր Տուեալներ Հայաստանի Բնակչութեան Թիւի Մասին

Նոր Տուեալներ Հայաստանի Բնակչութեան Թիւի Մասին

by MassisPost

Հայաստանի մէջ ժողովրդագրական իրավիճակը կը շարունակէ մտահոգիչ մնալ: Ազգային վիճակագրական ծառայութիւնը ամփոփած է 2017 թուականի տուեալները, ըստ որոնց՝ Յունուար 1, 2018-ի դրութեամբ ՀՀ մշտական բնակչութեան թիւը կազմած է 2 միլիոն 972.9 հազար մարդ: 2017 թուականի նոյն ժամանակահատուածի համեմատ մշտական բնակչութեան թիւը նուազած է 13.2 հազարով: Նախորդ տարուայ Յունուար 1-ի դրութեամբ մշտական բնակչութեան թիւը 2 միլիոն 986.1 հազար կազմած էր:

ՀՀ մշտական բնակչութեան 1 միլիոն 076.4 հազարը կ’ապրին Երեւան քաղաքին մէջ, մնացածը՝ մարզերուն:

2017 թուականին Հայաստանի մէջ ծնունդներու թիւը նուազած է՝ ծնած է 37 699 մարդ: 2015 թուականին ծնունդները կազմած էին 41 763, իսկ 2016-ին՝ 40 592: Ասոր հետեւանքով բնական յաւելաճի գործակիցը նուազած է: Եթէ 2015 թուականին այդ գործակիցը կը կազմէր 13 885, 2016-ին՝ 12 366, ապա 2017-ին կազմած է 10 332: 2016-ի համեմատ 2017-ին բնական յաւելաճը նուազած է 16.4 տոկոսով:

2015-2016 թուականներու համեմատ նախորդ տարի նուազած են ամուսնութիւնները, աւելցած՝ ամուսնալուծութիւնները:

Հայաստանի մէջ մահանալու պատճառներէն առաջինը կը շարունակեն մնալ արեան շրջանառութեան համակարգի հիւանդութիւնները, երկրորդ տեղը կը գրաւեն դժբախտ պատահարներէն, թունաւորումներէն եւ վնասուածքներէն մահերը, իսկ երրորդ տեղը՝ նորագոյացութիւնները:

Մշտական բնակչութեան միջին տարիքը 2017-ի տարեսկիզբի դրութեամբ կազմած է 36.2 (2016թ.՝ 35.9) տարի, տղամարդոց համար` 34.3 (2016-ին ՝ 34.1), իսկ կանանց համար` 38.0 (2016-ին՝ 37.6 ) տարի:

 

Հարակից Նյութեր

Leave a Comment