Ատրպէյճանի մայրաքաղաք Պաքուի թիւ 220 դպրոց մտնելով, խումբ մը երիտասարդներ կրակած են դպրոցի անգլերէնի ուսուցիչ Ռոշան Ազիզովի վրայ, որ հանդէս եկած է Հայաստանի հետ «խաղաղութիւն» հաստատելու կոչերով: Այս մասին, ինչպէս կը հաղորդէ «Արմէնբրես»-ը, կը յայտնէ «eurasianet.org»-ը:
Ռոշան Ազիզովը պնդած է, որ դպրոց ներխուժած երիտասարդները կրակելէ բացի նաեւ նուաստացուցած են իրեն:
«Անոնք ինձ ստորացուցին իմ աշակերտներուս առջեւ: Ինձ հայ լրտես անուանեցին: Անոնց կարծիքով, ես Ատրպէյճան եկած եմ հայերու հրամանով Ատրպէյճանը քանդելու համար: Ես այդ ամէնով ցանկացած եմ ցոյց տալ միայն, որ խաղաղութիւնը եւ բախումը առանց իրար սպաննելու լուծելն ալ հնարաւոր է»,- նշած է Ռոշան Ազիզով:
Դէպքը տեղի ունեցած է Դեկտեմբեր 28, 2017-ին: Ռոշան Ազիզովի վրայ կրակելու դէպքին արձագանգելով Պաքուի թիւ 220 դպրոցի տնօրինութիւնը նշած է, որ այն ուսուցիչի հայամէտ յայտարարութիւններուն համար չէ կատարուած, այլ եղած է դասաւանդման դասական մեթոտներէն շեղելու պատճառով:
Միջադէպէն ետք ալ Ռոշան Ազիզով կը շարունակէ ընկերային ցանցերու մէջ գրառումներ կատարել եւ «խաղաղութեան» կոչեր ընել:
Ռոշան Ազիզովը նաեւ տեսանիւթ հրապարակած է, ուր անոր աշակերտները կը բեմադրեն հայերու եւ ատրպէյճանցիներու բախումը:
Ռոշան Ազիզովի պնդումներն այն մասին, որ իր վրայ կրակած են հայամէտ յայտարարութիւններ ընելու համար, իրականութեան չեն համապատասխաներ: Անոր կողմէ հրապարակուած տեսանիւթը այդքան ալ չարտացոլեր Ռոշան Ազիզովի յայտարարութիւնը, քանի որ տեսանիւթին մէջ կը հնչեն նաեւ խիստ թշնամական կոչեր, որոնք ոչ թէ խաղաղութեան, այլ պատերազմի կոչեր են: