Տեղի ունեցաւ Սոցիալ Դեմոկրատ Հնչակեան Կուսակցութեան Արեւմտեան Ամերիկայի 18-րդ պատգամաւորական ժողովը:
Կուսակցութեան Փասատինայի կեդրոնէն ներս կայացած ժողովին ներկայ էր եւ բացման խօսքով հանդէս եկաւ ՍԴՀԿ Կեդրոնական վարչութեան ատենապետ Ընկ. Տոքթ. Համբիկ Սարաֆեան: Ան ողջունելի նկատեց ժողովին յատկապէս երիտասարդներու մասնակցութիւնը:
Կուսակցութեան տարբեր մասնաճիւղերը ներկայացնող պատուիրակները միօրեայ ժողովի ընթացքին քննարկեցին կուսակցական ներքին կազմակերպչական, քաղաքական եւ ազգային տարբեր հարցեր, որոնք շուրջ առնուեցան համապատասխան որոշումներ եւ ընդունուեցան բանաձեւեր` որպէս ուղեցոյց յաջորդ տարիներուն համար:
Ժողովի աւարտին փակ քուէարկութեամբ ընտրուեցաւ Կուսակցութեան նոր Վարիչ Մարմինի կազմը, ղեկավարելու համար Արեւմտեան Ամերիկայի շրջանը` յաջորդ երկու տարիներուն:
Նորընտիր Վարիչ Մարինը իր անդրանիկ նիստի ընթացքին ընտրեց իր դիւանը, որ կը բաղկանայ հետեւեալ ընկերներէ` Գրիգոր Խոտանեան (ատենապետ), Գաբրիէլ Մոլոյեան (փոխ-ատենապետ) եւ Լենա Մանուկեան (քարտուղար):
