Home ԳԼԽԱՒՈՐ ԼՈՒՐԵՐ Սոցիալ Դեմոկրատ Հնչակեան Կուսակցութեան Հայաստանի Վարչութեան Յայտարարութիւնը

Սոցիալ Դեմոկրատ Հնչակեան Կուսակցութեան Հայաստանի Վարչութեան Յայտարարութիւնը

by MassisPost

Սոցիալ Դեմոկրատ Հնչակեան կուսակցութեան Հայաստանի վարչութիւնը խոր մտահոգութիւն է յայտնում առաջին անհրաժեշտութեան պարենային մթերքների վերջին շրջանի կտրուկ թանկացմամբ: ՍԴՀԿ-ն կարծում է, որ Կառավարութիւնն անհրաժեշտ խիստ միջոցները ձեռք չի առնում՝ գնաճը զսպելու եւ ՀՀ քաղաքացիների վրայ ընկած սոցիալապէս առանց այդ էլ ծանր բեռը թեթեւացնելու համար: Նման կտրուկ իրադարձութիւնները աւելացնում են երկրի ներսում սոցիալական լարուածութիւնը, ինչպէս նաեւ խթանում արտագաղթի նոր ալիքներ: ՍԴՀԿ-ն նաեւ վրդովմունք է յայտնում ԱԺ որոշ պատգամաւորների՝ ցինիկ եւ անպատասխանատու յայտարարութիւնների վերաբերեալ, ինչպէս նաեւ փաստում, որ ցանկացած ժողովրդավարական երկրում նման արտայայտութիւններ թոյլ տուող խորհրդարանականը վաղուց արդէն հրաժեշտ էր տուել իր մանդատին՝ որպէս հանրային պատիժ:

Իբրեւ աշխատաւորների իրաւունքների պաշտպան հանդիսացող քաղաքական ուժ, ՍԴՀԿ-ն ակնկալում է, որ ՀՀ Կառավարութիւնը կտրուկ քայլեր պէտք է ձեռնարկի գնաճը եւ թանկացումները զսպելու համար, ինչպէս նաեւ ակնկալում ՀՀ իշխող Հանրապետական կուսակցութիւնից պատժել սոցիալապէս նման բեւեռուածութիւն ունեցող երկրում քաղաքականապէս եւ մարդկային ոչ քորեքթ յայտարարութիւններ անող պատգամաւորին:

Հարակից Նյութեր

Leave a Comment