Home ՀԱՅԱՍՏԱՆ ՀԱՊԿ-ը Խոչընդոտ Չէ ՆԱԹՕ-ի Զօրավարժութիւններուն Մասնակցիլ-Չմասնակցելու Հարցին. Շաւարշ Քոչարեան

ՀԱՊԿ-ը Խոչընդոտ Չէ ՆԱԹՕ-ի Զօրավարժութիւններուն Մասնակցիլ-Չմասնակցելու Հարցին. Շաւարշ Քոչարեան

by MassisPost

Հայաստան ՀԱՊԿ-ի կողմէ որեւէ խոչընդոտի չէ հանդիպած ՆԱԹՕ-ի զօրավարժութիւններուն մասնակցիլ-չմասնակցելու հարցին շուրջ: Այսօր խորհրդարանին մէջ այս մասին լրագրողներուն յայտնած է Արտաքին գործոց նախարարի փոխանորդ Շաւարշ Քոչարեան: «Եթէ արգելք ունենայինք, չէինք մասնակցի: Ուրեմն չունենք, որ մասնակցում ենք»,- ըսած է ան, աւելցնելով, որ նախորդ զօրավարժութիւններուն Հայաստան մասնակցած է:

Անդրադառնալով օրերս Վրաստանի մէջ կայացող ՆԱԹՕ-ի զօրավարժութիւններուն Հայաստանը չմասնակցելու հարցին, Քոչարեան նշած է, որ իրարանցումն անհասկնալի է: «Ինչի՞ մասին է խօսքը, hարեւան պետութիւնում տեղի են ունեցել ՆԱԹՕ-ի զօրավարժութիւնները, որին մասնակցել են ընդամէնը 5-6 պետութիւն: Ու այս պարագայում դա դարձնել եսիմ ինչ, թէ ինչո՞ւ է Հայաստանը մասնակցել կամ չի մասնակցել, ես չեմ հասկանում այս իրարանցումը: Նախկինում եղել են աւելի լայնածաւալ զօրավարժութիւններ, որոնց Հայաստանը մասնակցել է, այս զօրավարժութիւններն իրենց մասշտաբով աւելի փոքր էին»,- ըսած է ան:

Ըստ Քոչարեանի, պարտադիր չէ, որ Հայաստան ՆԱԹՕ-ի բոլոր միջոցառումներուն մասնակցի, բայց ՆԱԹՕ-ի հետ մենք, ի տարբերութիւն միւս ՀԱՊԿ անդամ երկիրներուն, բաւական լուրջ համագործակցութիւն ունինք:

Հարակից Նյութեր

Leave a Comment