Home ԱՐՈՒԵՍՏ - ՄՇԱԿՈՅԹ Մահացած է Բեմադրիչ Ռուբէն Գէորգեանցը

Մահացած է Բեմադրիչ Ռուբէն Գէորգեանցը

by MassisPost

23 Յունիսին 72 տարեկան հասակին կեանքէն հեռացած է հայ բեմադրիչ, ՀՀ արուեստի վաստակաւոր գործիչ, ՀՀ ժողովրդական արտիստ Ռուբէն Գէորգեանցը: ՀՀ մշակոյթի նախարարութենէն կը յայտնեն, որ Ռուպէն Գէորգեանցի մահուան կապակցութեամբ պիտի ստեղծուի թաղման կառավարական յանձնաժողով:

Ռուբէն Ստեփանի Գէորգեանց ծնած է 30 Նոյեմբեր   1945-ին Երեւանի մէջ: 1968-ին աւարտած է Երեւանի գեղարուեստա-թատերական ինստիտուտի բեմադրիչներու բաժինը։ 1971 թուականին աշխատած է Երեւանի վաւերագրական ֆիլմերու    արհեստանոցին  (սթուտեո) մէջ որպէս ՝բեմադրիչ։ 1982-89 եղած է «Հայֆիլմ»-ի վաւերագրական ֆիլմերու ստեղծագործական միաւորման գեղարուեստական ղեկավարը։ 1989 թուականէն  փաստավաւերագրական ֆիլմերու «Հայկ»   արհեստանոցի տնօրէնն ու գեղարուեստական ղեկավարն է։ 2004 թուականէն՝ Կինոյի և հեռուստատեսութեան ազգային ակադեմիայի նախագահ, 2005 թուականէն՝ Հայաստանի Կինեմատոգրաֆիստներու միութեան նախագահ։ Հեղինակ է «Անձրեւներու ժամանակը», «Արդարացման ժամանակը», «Ժամանակ չկայ» գիրքերուն: 2016 թ. 3 Փետրուարին ՀՀ Նախագահի կարգադրութեամբ նշանակուած է Հայաստանի Հանրապետութեան Հանրային խորհուրդի անդամ:

Հարակից Նյութեր

Leave a Comment