Հայաստանի ֆութպոլի ֆետերասիոնը ամփոփած է «Տարուայ լաւագոյն ֆութպոլիստ» անուանակարգի 2016 թուականի քուէարկութեան արդիւնքները:
Հաւաքելով 245 կէտ` Հայաստանի 2016-ի լաւագոյն ֆութպոլիստ ճանչցուած է «Մանչեսթըր Եունայթըտ»ի կիսապաշտպան Հենրիխ Մխիթարեան, որ 7-րդ անգամ եւ 6-րդ տարին անընդմէջ կ՛արժանանայ նման պատիւի: Ընդհանուր առմամբ, 50 քուէարկողներէն 49-ը Մխիթարեանի անունը նշած են առաջին տեղը:
56 կէտով երկրորդ տեղը կը գրաւէ փորթուկալական «Մարիթիմու»ի կիսապաշտպան Գէորգ Ղազարեան, որուն անունը 17 անգամ նշուած է երկրորդ, 5 անգամ` երրորդ տեղը:
45 կէտով երրորդը յայտնուած Արաբական Միացեալ Էմիրութեան «Ալ ֆուճէյրա» ակումբի կիսապաշտպան Մարկոս Պիզելին, որուն անունը 11 անգամ նշուած է երկրորդ, 12 անգամ` երրորդ տեղը: