Home ՀԱՅԱՍՏԱՆ Զեկոյց՝ Հայաստանի Բնակչութեան Մօտ Վեց Տոկոսը Այսօր Թերի կը Սնուի

Զեկոյց՝ Հայաստանի Բնակչութեան Մօտ Վեց Տոկոսը Այսօր Թերի կը Սնուի

by MassisPost

«Հայաստանի բնակչութեան մօտ վեց տոկոսն այսօր թերի է սնուում»,- կը պնդեն Ուաշինկթըն գործող Միջազգային պարենային քաղաքականութեան հետազօտութիւններու հիմնարկի մասնագէտները` այս շաբաթ հրապարակած իրենց ամէնամեայ զեկոյցին մէջ:

Սովի եւ պարենային ճգնաժամերու ուսումնասիրութեամբ զբաղող հետազօտական այս կառոյցի մասնագէտներու տուեալներով, թերսնուածութեան մակարդակը Հայաստանի մէջ վերջին մէկուկէս տասնամեակին նուազէր է շուրջ երեք անգամ: «2000-ին նորմայից քիչ սնունդ էր սպառում Հայաստանի բնակչութեան աւելի քան մէկ հինգերորդը կամ 21 տոկոսը»,- կ′արձանագրեն ուաշինկթընեան հետազօտական կեդրոնի մասնագէտները:

Համեմատութեան համար` դրացի Վրաստանի մէջ թերսնուածութեան մակարդակը այսօր աւելի բարձր է, քան Հայաստան: Զեկոյցի հեղինակներուն տուեալներով, այժմ թերի կը սնուի Վրաստանի բնակիչներու 7.4 տոկոսը:

Պարենային քաղաքականութեան հետազօտութիւններու հիմնարկի մասնագէտները, ի դէպ, կ′արձանագրեն, որ թերսնուածութեան մակարդակով հարաւ-կովկասեան պետութիւններու շարքին առաւել բարւոք վիճակի մէջ է Ազրպէյճանը: Այստեղ սահմանուած օրինակէն քիչ սնունդ կը սպառէ բնակչութեան մօտ մէկուկէս տոկոսը միայն:

Դատելով զեկոյցին մէջ տեղ գտած տուեալներէն` Ազրպէյճանը վերջին 15 տարիներուն յաջողած է կտրուկ կերպով նուազեցնել թերսնուածութեամբ տառապող իր քաղաքացիներու թուաքանակը:

«2000 թուականին Ազրպէյճանն այս ցուցանիշով Հարաւային Կովկասի առաջատարն էր, այստեղ թերի էր սնուում բնակչութեան աւելի քան 22 տոկոսը»,- կ′արձանագրեն փաստաթուղթի հեղինակները:

Ամերիկացի մասնագէտները նաեւ փորձէր են բացայայտել ազգաբնակչութեան ամենակրտսեր խումբին մէջ` մինչեւ հինգ տարեկաններու սահմանին նկատուող բնախօսական միտումները, որոնք եւս ուղղակի կապ ունին սպառող սնունդի քանակի եւ որակի հետ:

Ուաշինկթըն գործող հետազօտական կեդրոնի տրամադրութեան տակ եղած վերջին տուեալներով, Հայաստան բնակող մինչեւ հինգ տարեկան երեխաներու մօտ 5 տոկոսի քաշը` հասակի համեմատ, սահմանուած օրինակէն պակաս է: «Նոյն տարիքային խումբի ներկայացուցիչներու մօտ 13 տոկոսի հասակն ալ միջինէն ցած է».- կ′արձանագրեն հետազօտական կեդրոնի փորձագէտները:

Միջազգային պարենային քաղաքականութեան հետազօտութիւններու հիմնարկի տուեալներով, սակայն, Հարաւային Կովկասի պետութիւնները թերսնուածութեան մակարդակով ցած վտանգի գօտիին մէջ են:

Յետխորհրդային պետութիւններէն այս առումով առաւել մտահոգիչ է միջինասիական շարք մը պետութիւններու եւ Մոլտովայի մէջ ստեղծուած կացութիւնը:

Հարակից Նյութեր

Leave a Comment