Home ՀԱՅԱՍՏԱՆ «Հայոց Ցեղասպանութեան 100-րդ Տարելից» Յուշադրամը «Տարուայ Յուշադրամը» Ընտրուած է

«Հայոց Ցեղասպանութեան 100-րդ Տարելից» Յուշադրամը «Տարուայ Յուշադրամը» Ընտրուած է

by MassisPost

Մոսկուայի մէջ տեղի ունեցած «Դրամներու Համաստեղութիւն-2016» միջազգային տասներորդ յոբելենական մրցոյթին Հայաստանի կեդրոնական դրամատան կողմէ 2015 թուականին թողարկուած «Հայոց Ցեղասպանութեան 100-րդ Տարելից» արծաթէ յուշադրամը «Տարուայ Յուշադրամը» անուանակարգին մէջ առաջին տեղը գրաւած է:

Մրցոյթին ներկայացուած էր աւելի քան 240 յուշադրամ եւ 21 հաւաքածոյ: Մրցոյթի յաղթողները որոշած է դատակազմը, որուն մէջ էին փորձագէտներ համաշխարհային յայտնի թանգարաններէ եւ աճուրդի տուներէ, կեդրոնական դրամատուներէ, յուշադրամներ մատակարարող ընկերութիւններէ, դրամագիտական ընկերութիւններէ եւ մասնագիտացուած հրատարակչութիւններէ:

«Դրամներու Համաստեղութիւն» յուշադրամներու միջազգային մրցոյթը կ’իրականացուի 2007 թուականէն: 2016-ին մրցոյթին մասնակցած են 44 կազմակերպութիւն 29 երկիր (կեդրոնական դրամատուներ, դրամահատարաններ, մատակարար ընկերութիւններ եւ այլն):

«Հայոց Ցեղասպանութեան 100-րդ Տարելից» արծաթէ յուշադրամի արուեստագիտական չափանիշները
-Անուանական արժէքը` 100 դրամ
-Մետաղը եւ յարգը` արծաթ 9250
-Տրամագիծը` 50,0 մմ
-Ծանրութիւնը` 67,2 կգ
-Որակը` սովորական (հնաձեւ)
-Դրամաշուրթը` հարթ
-Տպաքանակը` 1000 հատ

Յուշադրամի էսքիզներու հեղինակներն են Սուրէն Սիմոնեանը եւ Արամ Ուռուտեանը: Հատուած է Լիթուանիոյ դրամահատարանին մէջ:

Դիմերես` Հայոց ցեղասպանութեան զոհերու յիշատակը յաւերժացնող յուշակոթողներ (աջէն ձախ). սգաւոր մօր յուշարձան (Իժեւսկ, ՌԴ, 2010 թ., հեղինակ` Թ. Աբրամիձէ), երգահան Կոմիտասին նուիրուած յուշարձան (Փարիզ, Ֆրանսա, 2003 թ., հեղինակ` Դ. Երեւանցի), խաչքար-յուշարձան (Մայր Աթոռ Սուրբ Էջմիածին, Հայաստան, 1965 թ., հեղինակ` Ռ. Իսրայէլեան), յուշասիւն-խաչքար (Կլենտէյլ, ԱՄՆ, 2000 թ., հեղինակ` Ք. Քարիբեան): Ներքեւը` Ծիծեռնակաμերդի յուշահամալիր (Երեւան, Հայաստան, 1967 թ., հեղինակներ` Ա. Թարխանեան, Ս. Քալաշեան):

Դարձերես` Հայոց ցեղասպանութեան զոհերու յիշատակը յաւերժացնող յուշակոթողներ (աջէն ձախ). յուշարձան` հայ հայդուկներուն (Ուջան, Հայաստան, 1989 թ., հեղինակ` Իւ. Մինասեան), յուշակոթողի մէկ հատուած արծիւի տեսքով (Հալէպ, Սուրիա, 1990 թ., հեղինակներ` Վ. Պերթիզեան, Գ. Երամեան), յուշատախտակի մէկ հատուած` կնոջ քանդակ (Սաօ Փաուլօ, Պրազիլ, 1966 թ., հեղինակ` Խոսէ Հերեզ Ռեկալտէ), խաչքար (Անտուերպեն, Պելճիքա, 2003 թ., հեղինակ` Հ. Սոֆոյեան): Ներքեւը` Ծիծեռնակաμերդի յուշահամալիր:

Հարակից Նյութեր

Leave a Comment