Նախագահ Սերժ Սարգսեանի Սեպտեմբեր 13-ի հրամանագրով Կարէն Կարապետեան նշանակուեցաւ վարչապետ, դառնալով Հայաստանի երրորդ Հանրապետութեան 14-րդ վարչապետը:
Ռուսաստանեան «Գազպրոմբանկ»-ի առաջին փոխնախագահի պաշտօնը Հայաստանի վարչապետի աթոռով փոխարինած Կարէն Կարապետեանին կը սպասեն դժուարին օրեր` իր նոր պարտականութիւններու կատարման գծով: Ֆինանսներու նախարարութեան եւ Ազգային վիճակագրական ծառայութեան հրապարակած տուեալներուն համաձայն, եթէ 2008 թուականին` տնտեսական ճգնաժամէն առաջ, երկրի համախառն ներքին արդիւնքը (ՀՆԱ) կը կազմէր 11.9 միլիարդ տոլար, իսկ պետական պարտքը 1.9 միլիարդ էր, ապա 2015-ին ՀՆԱ-ն աւելի քիչ էր` 10.5 միլիարդ տոլար, միեւնոյն ժամանակ, պետական պարտքը աւելացած է գրեթէ երեք անգամ եւ այս տարուայ Օգոստոսի վերջը կը կազմէր 5 միլիարդ 484 միլիոն տոլար:
Տակաւին յայտնի չէ, թէ Յովիկ Աբրահամեանի հետ որոնք պիտի հեռանան կառավարութենէն:
