Մոսկուայի մէջ, այսօր, Ռուսաստանի արտգործնախարար Սերգեյ Լավրովի եւ ԵԱՀԿ Մինսկի խումբի համանախագահներու միջեւ խորհրդակցական հանդիպում տեղի ունեցած է Լեռնային Ղարաբաղի հարցով։ Այս մասին, յայտնած է Ռուսաստանի Սրտագին Գործերու նախարարութեան մամուլի խօսնակ Մարիա Զախարովան, օգոստոս 31-ի համագումարին։
Յունիս 20-ին Սան Փեթերսպուրկի մէջ կայացած Սարգսեան-Բութին-Ալիեւ եռակողմ հանդիպման ձեռք բերուած պայմանաւորուածութիւններուն իրականացման, ինչպէս նաեւ՝ ղարաբաղեան խնդիրի կարգաւորման հերթական քայլերը քննարկուած են։
ԵԱՀԿ Մինսկի խումբի ամերիկացի համանախագահ Ճեյմս Ուորլիքը Մոսկուայի հանդիպման նախօրէին Թուիթըրի իր էջին գրած է.- «Ղարաբաղի խաղաղութիւնը հնարաւոր է»:
Յիշեցնենք, որ Հայաստանի և Ատրպէյճանի նախագահները, վերջին անգամ հանդիպած են՝ յունիսի 20-ին, Սան Փեթերսպուրկ, եռակողմ ձեւաչափով, Ռուսաստանի նախագահ Վլատիմիր Բութինի նախաձեռնութեամբ եւ մասնակցութեամբ: