Home ԳԼԽԱՒՈՐ ԼՈՒՐԵՐ Յովիկ Աբրահամեան Ներկայացուց իր Հրաժարականը. Նոր Վարչապետի Պաշտօնին ՀՀԿ-ն Առաջադրեց Կարէն Կարապետեանը

Յովիկ Աբրահամեան Ներկայացուց իր Հրաժարականը. Նոր Վարչապետի Պաշտօնին ՀՀԿ-ն Առաջադրեց Կարէն Կարապետեանը

by MassisPost

Այսօր   կառավարութեան նիստի աւարտին ՀՀ վարչապետ Յովիկ Աբրահամեան յայտարարեց իր հրաժարականի մասին:

Տարածուած լուրերու համաձայն, վարչապետի պաշտօնի համար կը քննարկուի Երեւանի նախկին քաղաքապետ, «Հայռուսգազարդի» նախկին ղեկավար Կարէն Կարապետեանի թեկնածութիւնը: Սակայն, ՀՀ Սահմանադրութեան 55-րդ յօդուածի համաձայն, Հանրապետութեան Նախագահը վարչապետ կը նշանակէ կառավարութեան հրաժարականը ընդունելէն 10 օր ետք եւ միայն անկէ ետք է, որ նոր վարչապետի պաշտօնը վարողի մասին կարելի կ’ըլլայ իմանալ:

Մինչ այդ, կառավարութեան անդամները կը շարունակեն իրենց պարտականութիւնները կատարել մինչեւ նոր կառավարութեան կազմաւորումը, որ կ’ըլլայ նոր վարչապետի նշանակումէն ետք` քսան օրերու ընթացքին:

Նշենք, որ Յովիկ Աբրահամեան ՀՀ վարչապետի պաշտօնը զբաղեցուցած է 2014-ի 13 ապրիլէն, փոխարինելով Տիգրան Սարգսեանը, որ ներկայիս Եւրասիական տնտեսական յանձնաժողովի նախագահն է:

Նշենք, որ այսօր երեկոյեան   տեղի ունեցած ՀՀԿ  գործադիր խորհուրդի նիստի աւարտին  Հայաստանի իշխող կուսակցութիւնը վարչապետի պաշտօնին համար առաջադրեց  Կարեն Կարապետեանի թեկնածութիւնը: Այդ մասին նիստէն ետք լրագրողներուն   յայտնեց   ՀՀԿ խմբակցութեան պատգամաւոր Արտակ Զաքարեան:

Կարէն Կարապետեան ծնած է  է 1963 թուականի  օգոստոս 14-ին, Ստեփանակերտի մէջ: 1980-1985  թուականներուն ուսանած է  է Երևանի պետական համալսարանէն ներս: 1989-ին  Կարապետեանին շնորհուած  է տնտեսագիտական գիտութիւններու  թեկնածուի կոչում։ 17 գիտական աշխատանքների հեղինակ է։  2013 թուականէն  սկսեալ  «ԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ» Խորհրուրդի  անդամ է, 2010-2011-ին  եղած է Երևանի քաղաքապետ:

Հարակից Նյութեր

Leave a Comment