Հայաստան եւ Ռուսաստան կը պատրաստուին միացեալ զօրախումբ ստեղծելու վերաբերեալ համաձայնագիր կնքել: Այս մասին յայտարարութիւնը կատարած է Ռուսիոյ պաշտպանութեան փոխնախարար Անատոլի Անտոնով, այսօր Երեւանի մէջ կայացած երկու երկիրներու պաշտպանութեան նախարարներ Սէյվրան Օհանեանի եւ Սէրկէյ Շոյկուի կայացած բանակցութիւններէն ետք:
Ռուսաական «Թասս» լրատուական գործակալութիւնը, որ ներկայացուցած է Անտոնովի խոսքերը, նաեւ յայտնած է, որ համատեղ զօրախումբ ստեղծելու մասին համաձայնագիրը կը գտնուի իր վերջին փուլին մէջ:
«Խօսքը արդէն գործող միացեալ զօրախումբի մասին է, որուն առընթեր քանակական եւ գործառոյթային որոշակի փոփոխութիւններ կը կատարուին, տինամիկ զարգացման գործընթաց է եւ տարիներ շարունակ իրականացուած է: Այդ մասին է խոսքը», – «Ազատութիւն» ռատիոկայանին հետ զրոյցի ընթացքին պարզաբանած է Հայաստանի պաշտպանութեան նախարարի մամլոյ քարտուղար՝ Արծրուն Յովհաննիսեան:
Հայաստանի պաշտպանութեան նախարարութեան տրամադրած տեղեկութեան համաձայն, դեռ 2000թ․ Սեպտեմբերին Սոչիի մէջ Հայաստանի ու Ռուսաստանի միջեւ կնքուած է զօրքերիհամատեղ կիրառման մասին համաձայնագիր, որուն հիման վրա ալ ստեղծուած է զօրքերու միացեալ խմբաւորումը: Ըստ փաստաթուղթին, խմբաւորման նպատակն է՝ ընդհանուր հրամանատարութեան ներքեւ լուծել Հայաստանի ու Ռուսաստանի համատեղ պաշտպանութեան խնդիրները: Խմբաւորումը բաղկացած է Հայաստանի և Ռուսաստանի զինուած ուժերու զորամասներէն, տեղակայուած է Հայաստանի մէջ , հրամանատարն է հայկական զինուած ուժերու ներկայացուցիչ գեներալ-մայոր Անդրանիկ Մակարեանը, որ նախագահ Սարգսեանի հրամանագրով անցեալ ամիս նշանակուած էր այդ պաշտոնին:
Նշենք, որ Սէյրան Օհանեանի ու Սերկէյ Շոյկուի գլխաւորած պատուիրակութիւնները հանդիպեցան այսօր առաւօտեան՝ Երեւանի մօտ գտնուող և «Բարգավաճ Հայաստան» կուսակցութեաննախկին առաջնորդ Գագիկ Ծառուկեանին պատկանող «Մուլթի գրանդ» հիւրանոցին մէջ: Հայաստանի պաշտպանութեան նախարարութեան փոխանցմամբ, հանդիպմանը քննարկուած են միջազգային և տարածաշրջանային անվտանգութեան ապահովման, երկկողմ ռազմական համագործակցութեան հարցերը:
Նշենք, որ Ռուսիոյ պաշտպանութեան նախարարը Երեւան հասած էր մասնակցելու «Մուլթի գրանդ» հիւրանոցին մէջ այս առաւօտ մեկնարկած ՀԱՊԿ երկրներու պաշտպանութեաննախարարներու խորհուրդի նիստին: Դաշինքի ռազմական գերատեսչութիւններու ղեկավարները քառօրեայ պատերազմէն յետոյ առաջին անգամն է, որ կը հաւաքուէին: Կը նշուի նաեւ, որ Հայաստանի անվտանգութեան առնչուող սպառնալիքներուն մասին որեւէ հրապարակային անդրադարձ չէ եղած: