Սուրիոյ մէջ աւելի քան 17 ամիսներու իրադարձութիւնները վերջին շաբաթներուն հասած են աղէտալի զարգացումներու ու անոնց ահաւոր հետեւանքները ծանօթ են բոլորիս£ Երկիրը զինեալ դէպքերու կրակէ օղակին մէջ բռնած կացութենէն գլխաւոր տուժողն է անմեղ բնակչութիւնը, որուն մաս կը կազմէ նաեւ հայ համայնքը:
Սուրիոյ Հայ համայնքը ունի դարաւոր պատմութիւն, եւ իր պատմական իրագործումներով, իւրայատուկ տեղ ու ներդրում ունի հայկական գաղթաշխարհի պատմութեան մէջ: Յատկապէս Ցեղասպանութենէն ետք աւելի մեծ ծաւալ ստացած այս գաղութը, հայավայել աշխատանքով ու ջանասիրութեամբ, ընդհանրապէս բարօր վիճակ կերտած է սեփական ընտանիքներու թէ ազգային կառոյցներու` եկեղեցիներու, դպրոցներու հաստատումով: Այսօր, ծանօթ իրադարձութեանց հետեւանքով, գաղութը մատնուած է տագնապալի վիճակի: Սուրիոյ մեր գաղութի կազմակերպութիւնները, հաւատարիմ` մեր ազգային նկարագիրին, արդէն նախաձեռնած են գաղութի կարիքներուն հասնելու ծրագրուած ու համադրուած հաւաքական աշխատանքին:
Ի տես ստեղծուած վիճակին, հայութիւնը չի կրնար անտարբեր մնալ, այլ կը մղուի գործի, կանգնելու համար Սուրիոյ հայութեան կողքին, պատրաստ է օգնութեան ձեռք երկարելու անոր:
Միացեալ Նահանգներու Արեւմտեան շրջանի հայութիւնը եւս մտահոգ է սուրիահայ տագնապով: Հայութեան աշխարհատարած ընտանիքին ոեւէ մէկ անդամին հասած վնաս` հաւասարապէս կը ցաւցնէ ընտանիքին բոլոր անդամները` ի Հայաստան եւ ի սփիւռս աշխարհի: Հայավայել գիտակցութեամբ պատրաստակամ ըլլանք մեր կարողութեան սահմաններուն մէջ աջակցելու մեր հայրենակիցներուն, ինչպէս որ օժանդակութեան ձեռք երկարած ենք Հայաստանին, Արցախին, Լիբանանի, Իրաքի եւ այլ տագնապահար գաղութներու:
Արդ, կոչ կþուղղենք շրջանիս հայութեան, որպէսզի ընդառաջէ Սուրիոյ հայութեան կարիքներուն եւ նուիրաբերէ ի խնդիր Սուրիոյ հայկական օճախին բարօրութեան պահպանման: Սուրիոյ Հայ գաղութը իր դարաւոր առաքելութիւնը կենսագործած է բարձրաճակատ, այսօր ալ կառչած կը մնայ իր օճախին, իրազեկ է, որ գաղթաշխարհի տարածքին ունի իր անփոխարինելի եւ անկորնչելի տեղն ու դերը, զոր պէտք է պահպանել միահամուռ կեցուածքով:
Այսու կը հաղորդենք մեր ազնիւ ժողովուրդին, որ կազմուած է “Սուրիոյ Հայութեան Զօրակցութեան Միացեալ Մարմին՚” մը:
ՅՈՎՆԱՆ ԱՐՔ. ՏԷՐՏԷՐԵԱՆ
ՄՈՒՇԵՂ ԱՐՔ. ՄԱՐՏԻՐՈՍԵԱՆ
ՄԻՔԱՅԷԼ ԵՊՍԿ. ՄՈՒՐԱՏԵԱՆ
ՎԵՐ. ՅՈՎՍԷՓ ՄԱԹՈՍԵԱՆ
Ս.Դ.Հ.Կ.
Հ.Յ.Դ.
ՌԱԿ
Հ.Բ.Ը.Մ
ՀՕՄ
ԱՄԵՐԻԿԱՅԻ ՀԱՅ ԱՒԵՏ. ԸՆԿ.
15 Օգոստոս 2012
WASHINGTON, DC -- US Secretary of State Antony Blinken is personally deeply engaged on the…
YEREVAN (Armradio) -- Poverty can be overcome only by work, combined with education and improvement…
DOHA -- During his official visit to the State of Qatar on April 28-29, Minister…
YEREVAN -- Hungary is blocking the European Union from providing modest military assistance to Armenia,…
YEREVAN -- Armenian Economy Minister Gevorg Papoyan on behalf of the government and CEO of…
LOS ANGELES, CA — Armenian Educational Foundation (AEF) proudly announces the establishment of a new…
