Հայկական պարբերակ «Ակօս»-ը յայտնած է, որ Կ. Պոլսոյ մէջ Հայոց ցեղասպանութեան զոհերու յիշատակին նուիրուած միջոցառման ձերբակալուած են 3 անձեր՝ պաստառներու վրայ գրուած ցեղասպանութիւն բառի պատճառով:
Ոստիկանները տեղեկացուցած են, որ ձերբակալուածները ազատ պիտի արձակուին միջոցառման աւարտէն ետք:
Պոլսոյ մէջ շարք մը միջոցառումներ տեղի ունեցած են՝ ի յիշատակ Հայոց ցեղասպանութեան զոհերու, մասնակցութեամբ շարք մը հայ, թուրք, քիւրտ, յոյն եւ այլ ազգի ներկայացուցիչ մտաւորականներ, աքթիւիսթներ, մշակոյթի գործիչներ, գիտնականներ եւ մարդու իրաւունքներու պաշտպաններ:
Կը նշուի, որ յիշատակի միջոցառում իրականացուած է Պոլսոյ Սուլթանահմետ թաղամասին մէջ՝ Հայտարփաշա նաւու կայանի մօտ, ուրկէ 24 Ապրիլ 1915-ին բազմաթիւ հայ մտաւորականներ ուղարկուեցան սպաննուելու:
Նոյն միջոցառման ժամանակ յիշատակուած նաեւ 1915-ին սպաննուած յոյն եւ ասորի ժողովուրդներու ներկայացուցիչ անմեղ զոհերը:
Թուրքիոյ մէջ գործող հայկական «Նոր Զարթօնք» երիտասարդական կազմակերպութիւնը յիշատակի միջոցառում իրականացուցած է նաեւ Պոլսոյ հայաշատ Շիշլի շրջանի հայկական գերեզմանատան՝ 7 տարի առաջ՝ 24 Ապրիլին, թրքական բանակին մէջ սպաննուած հայազգի զինուոր Սեւակ Պալըքճըի գերեզմանի մօտ:
