Թեհրանի մէջ բնակող խումբ մը հայեր 24 Ապրիլին բողոքի ցոյցեր կազմակերպած են Թուրքիոյ դէմ։
Մասնակիցները ունեցած են պաստառներ, որոնց վրայ գրուած է «Մահ թուրքերուն», «Մահ Թուրքիոյ», «Թուրքիոյ դրօշի կարմիր գոյնը ցեղասպանութեան ժամանակ հայերու թափած արիւնն է»։
Ի պատասխան անոր՝ մօտակայքը գտնուող ազերիները, իրենց հերթին, բարձրացուցած են պաստառներ, որոնց վրայ գրուած է «Ղարաբաղը մերն է, մերն ալ պիտի մնայ»։ Սակայն Իրանի ոստիկանութիւնը, համապատասխան միջոցներ ձեռնարկելով, շարք մը ազերիներ ձերբակալած է:
Աղբիւրը նշած է, որ ձերբակալուողները «Հարաւային Ատրպէյճանի ազգային զարթօնք շարժման» ցուցարարներն են։