Home ՀԱՅԱՍՏԱՆԱՐՑԱԽ Սերկէյ Լաւրով Հերքած է ԼՂ Հարցով Առանձին Առաջարկներու Գոյութիւնը

Սերկէյ Լաւրով Հերքած է ԼՂ Հարցով Առանձին Առաջարկներու Գոյութիւնը

by MassisPost

Հայաստանի նախագահի եւ ԱԳ նախարարի այցերը Մոսկուա շատոնց ծրագրուած էին, նոյնը կը վերաբերի նաեւ Ռուսաստանի մէջ Հայաստանի մշակութային օրերու իրականացման ու Սերկէյ Լաւրովի՝ Հայաստան այցին: Կառավարութեան երէկուան նիստէն ետք լրագրողներու հետ ճեպազրոյցի ժամանակ այս մասին յայտարարած է ՀՀ ԱԳ փոխնախարար Շաւարշ Քոչարեանը:

Անոր խօսքով՝ Ռուսաստանի ԱԳ նախարար Սերկէյ Լաւրովի հայաստանեան այցը կապուած է երկու երկիրներու դիւանագիտական յարաբերութիւններու հաստատման 25-ամեակի հետ:

«Միւս կողմից՝ ակնյայտ է, որ որոշակի աքթիւութիւն կայ ԵԱՀԿ Մինսքի խմբի համանախագահողների կողմից՝ կապուած ղարաբաղեան հակամարտութեան կարգաւորման հետ: Բնական է, որ տարբեր հանդիպումների ժամանակ նոյն ԱԳ նախարարներն ազատ են քննարկել ցանկացած հարց, առաւել եւս՝ այն հարցերը, որոնք այդքան կարեւոր են»,- աւելցուցած է Շաւարշ Քոչարեան:

Ըստ պաշտօնեային, համանախագահողները կ’ակնկալեն, որպէսզի կողմերու միջեւ վստահութիւն ըլլայ՝ կարգաւորման գործընթացին մէջ առաջընթացի հասնելու համար, իսկ այդ կ’ենթադրէ Վիեննայի եւ Ս. Փեթերսպուրկի պայմանաւորուածութիւններու իրականացում: Իսկ բանակցութիւններուն մէջ առաջընթաց ոչ միայն չկայ, այլ, Քոչարեանի խօսքով, իրավիճակը ինչ-որ առումով պայթիւնավտանգ է, ինչի ապացոյցն են ապրիլեան դէպքերը: «Համանախագահները չեն կարող մտահոգուած չլինել: Առաւել եւս, որ Մինսքի խմբի համանախագահող երկրները նաեւ ՄԱԿ-ի անվտանգութեան խորհրդի մշտական անդամներ են, եւ նրանց համար անընդունելի է ռազմական գործողութիւնների վերսկսումը»,- աւելցուցած է պաշտօնեան:

Հարցին, թէ Սերկէյ Լաւրով իր հետ որեւէ առաջարկութիւն պիտի բերէ՞ Երեւան, Շաւարշ Քոչարեան պատասխանած է, որ այդ մասին անընդհատ կը խօսուի, բայց Ռուսաստանի ԱԳ նախարարը կը գործէ եռանախագահութեան ձեւաչափով: «Այդ տեսանկիւնից մի քիչ տարօրինակ է, երբ փորձում են նրան առանձնացնել: Առաւել եւս, որ ինքը մի քանի անգամ հրապարակային հերքել է: Առանձին ռուսական առաջարկներ չկան»,- հաւաստած է Քոչարեան:

Ինչ կը վերաբերի Հայաստանի եւ Ատրպէյճանի ԱԳ նախարարներու հանդիպման. ԵԱՀԿ ՄԽ համանախագահները առանձին-առանձին կը հանդիպին նախարարներու հետ, եւ չի բացառուիր, որ միջնորդները նաեւ անոնց հանդիպում առաջարկեն: Երբ յստակ պայմանաւորուածութիւն ըլլայ, Շաւարշ Քոչարեանի խօսքով, այդ մասին կը յայտարարուի:

Հարակից Նյութեր

Leave a Comment