Home ԻՐԱՒՈՒՆՔ Հայաստանի Մէջ Փաստաբաններու Գործադուլ Պիտի Սկսի՝ Դատարանի Շէնքերուն Մէջ Խուզարկութիւններու Ենթարկուելու Պատճառով

Հայաստանի Մէջ Փաստաբաններու Գործադուլ Պիտի Սկսի՝ Դատարանի Շէնքերուն Մէջ Խուզարկութիւններու Ենթարկուելու Պատճառով

by MassisPost

Հայաստանի մէջ որոշ փաստաբաններ գործադուլ պիտի սկսին՝ դատարանի շէնք մտած ժամանակ խուզարկութեան ենթարկուելու համար։ Այս մասին 23 Օգոստոսին լրագրողներու հետ հանդիպման ժամանակ յայտնած է «Սասնայ Ծռեր»ու գործով փաստաբան Հայկ Ալումեան։

Փաստաբանը նշած է, որ նման գործողութիւնները ոչ միայն ապօրինի, այլեւ վիրաւորական են։ Անոր խօսքով, ան անձամբ խուզարկուած է եւ որպէս արդիւնք իրեն թոյլ չեն տուած դատարանի դահլիճ մտնել։ Ալումեան ըսած է, թէ պատճառն այն է, որ ինք հրաժարած է յանձնել գրիչը, որ դատական կատարածուները շրջապատին համար վտանգաւոր համարած են ։ Սակայն կատարածուներն այդքանով չեն սահմանափակուիր։

«Կարո՞ղ էք պատկերացնել, թէ որքան վատ ու նուաստացած է իրեն զգում փաստաբանը, երբ նրա պաշտպանեալին դատարանի դահլիճում բռնում են ու նկուղային յարկ տանում, որտեղ նրան ծեծի են ենթարկում, իսկ բղաւոցները հասնում են մինչեւ դահլիճ, որտեղ այդ ժամանակ դատական նիստ է ընթանում»,- նշած է Ալումեան։

Անոր կարծիքով, Հայաստանի մէջ երբեք նման բան չէ եղած , իսկ փաստաբաններու վրայ այդ աննախադէպ ճնշումը սկսած է գործադրուիլ 2017 թուականի սկիզբէն։

Սակայն փաստաբանը նշած է, որ չի պատրաստուիր միանալ գործադուլին, այլ դատարան պիտի դիմէ՝ փաստաբանական գործունէութեան խոչընդոտելու մեղադրանքով, բան մը, որ քրէական յանցանք է։

 

Հարակից Նյութեր

Leave a Comment