Home ԱՐՈՒԵՍՏ - ՄՇԱԿՈՅԹ Աւարտած է Արամ Խաչատրեանի Անուան 13-րդ Միջազգային Մրցոյթը

Աւարտած է Արամ Խաչատրեանի Անուան 13-րդ Միջազգային Մրցոյթը

by MassisPost

Մրցոյթը եզրափակուած է Սպենդիարեանի անուան Օփերայի եւ պալեթի ազգային ակադեմիական թատրոնին մէջ 14 յունիսին տեղի ունեցած կալա համերգով:

Առաջին անգամ «վոքալ» անուանակարգին մէջ եղած մրցոյթի 46 մասնակիցներէն երրորդ՝ եզրափակիչ փուլ անցած էին 8-ը, որոնց միջեւ ալ միջազգային հեղինակաւոր ժիւրիի որոշմամբ բաշխուած են մրցանակները:

Արամ Խաչատրեանի անուան միջազգային 13-րդ մրցոյթի առաջին մրցանակը յանձնուած է Երեւանի պետական երաժշտանոցի մագիստրոս, սոփրանօ Ճուլիէթա Ալեքսանեանին: Ան իր կատարումներով հիացուց ոչ միայն ժիւրիի անդամներուն, այլեւ մրցոյթի ընթացքին հետեւած եւ կալա համերգին ներկայ գտնուած հանդիսատեսին:

«Ազատութեան» հետ զրոյցի ժամանակ Ալեքսանեանը ըսած է․ – «Սա ինձ համար մեծ իրադարձութիւն էր, ոչ թէ հարթակ, որտեղ ես պէտք է մրցէի իմ ընկերների, շատ լաւ երգիչների հետ: Սա շատ մեծ իրադարձութիւն է երգիչների եւ առհասարակ հայ ազգի համար, որ մենք ունենք այսպիսի լաւ մրցոյթ»:

Ան պատմած է, որ ծնած է Երեւան, Ալ․ Սպենդիարեանի անուան երաժշտական դպրոցը աւարտելէ ետք ընդունուած է Կոմիտասի անուան երաժշտանոց, սորված է Ռաֆայէլ Յակոբեանի դասարանը, իսկ վերջինիս մահէն ետք ՝ Սուսաննա Մարտիրոսեանի դասարանը․ – «Ուզում եմ երգել: Դա ամենակարեւորն է, որովհետեւ ես շատ սիրում եմ բեմը, շատ սիրում եմ երաժշտութիւնը»:

Երկրորդ մրցանակի, նաեւ քանի մը այլ յատուկ մրցանակներու արժանացած է Ղազախստանէն մրցոյթին մասնակցող պարիթօն Ազամատ Ժելտիրկուզովը: Ան նաեւ ժիւրիի անդամ, Հայաստանի ֆիլհարմոնիք նուագախումբի գեղարուեստական ղեկավար Էտուարտ Թոփճեանէն համագործակցութեան առաջարկ ստացած է:

Երրորդ մրցանակին արժանացած է մրցոյթի ամենաերիտասարդ մասնակիցը՝ Երեւանի Կոմիտասի անուան պետական երաժշտանոցի երկրորդ դասարանի ուսանող Գագիկ Վարդանեանը: Ան իր հասուն կատարումներով իրօք զարմացուցած է թէ՛ ժիւրիի անդամները, թէ՛ հանդիսատեսը:

Հարակից Նյութեր

Leave a Comment