Ֆրանսայի նախագահ Էմանուէլ Մաքրոնը ծանօթացեր է Լեռնային Ղարաբաղի հակամարտութեան իրավիճակին: Ինչպէս կը հաղորդէ «Արմէնբրես»-ը, այս մասին 12 յունիսին Արցախի Հանրապետութեան նախագահի նստավայրին մէջ ըսած է Ֆրանսացի համանախագահ Սթեֆան Վիսքոնթին:
«Ֆրանսայի նորընտիր նախագահ Էմանուէլ Մաքրոն ծանօթացեր է իրավիճակին: Ինծի համար հաճելի է ըլլալ Արցախի մէջ եւ տեղւոյն վրայ ծանօթանալ իրադրութեան: Մեզի համար անվտանգութեան եւ խաղաղ կարգաւորման գործընթացի խնդիրները շատ կարեւոր են: Ֆրանսան, ԱՄՆ-ն եւ Ռուսաստանը կը գործադրեն հնարաւոր բոլոր ջանքերը, որպէսզի այդ հարցին մէջ առաջընթաց գրանցեն»,- մասնաւորապէս ըսած է Սթեֆան Վիսքոնթին:
Ան յայտնած է նաեւ, որ ԵԱՀԿ երեւանեան գրասենեակի փակման հարցը պիտի քննարկուի Վիեննայի մէջ:
