Հայ – ատրպէյճանական պետական սահմանին տիրող իրավիճակը, ատրպէյճանական զինուժի կողմէ հրադադարի ռեժիմի խախտման դէպքերու վիճակագրութիւնը ներկայացուած է ԵԱՀԿ պաշտօնեաներուն չորեքշաբթի օր սահմանագօտիի հերթական դիտարկումէն ետք Տաւուշի մարզի Այգեպար գիւղին մէջ կայացած ճեպազրոյցի ընթացքին:
Հայաստանի պաշտպանութեան նախարարութեան տեղեկատուութեան եւ հասարակայնութեան հետ կապերու վարչութեան՝ այսօր տարածած հաղորդագրութեան համաձայն, ԵԱՀԿ ներկայացուցիչներու ուշադրութիւնը հրաւիրուած է յատկապէս սահմանամերձ գիւղերու եւ ճանապարհներու ուղղութեամբ ատրպէյճանական զինուժի արձակած կրակոցներուն:
Շնորհակալութիւն յայտնելով հայկական կողմին ներկայացուած տուեալներուն համար` ԵԱՀԿ պաշտօնեաները նշած են, որ անոնք պիտի ներառուին իրենց զեկոյցներուն մէջ:
Հայկական կողմէն դիտարկումը իրականացուցած են ԵԱՀԿ գործող նախագահի անձնական ներկայացուցիչ (ԳՆԱՆ) դեսպան Անճէյ Քասփշիկը եւ անոր դաշտային օգնականները: Սահմանային դիտարկման ընթացքին կրակի դադարեցման ռեժիմի խախտումներ չեն արձանագրուած: