Home ՀԱՅԱՍՏԱՆ ՌԴ Քաղաքացիները Հնարաւորութիւն Կ’ունենան Օնլայն Հայկական Ապրանքներ Պատուիրել եւ Ստանալ Հայաստանէն

ՌԴ Քաղաքացիները Հնարաւորութիւն Կ’ունենան Օնլայն Հայկական Ապրանքներ Պատուիրել եւ Ստանալ Հայաստանէն

by MassisPost

Յառաջիկային Ռուսաստանի Դաշնութեան վերջնական սպառողները պիտի կարենան տունը նստած օնլայն տարբերակով հայկական ապրանքներ պատուիրել Հայաստանէն, որ պիտի առաքուի առաւելագոյնը երեք օրուայ ընթացքին: 19 Ապրիլին լրագրողներու հետ զրոյցին «Սփայքա» ընկերութեան նախագիծերու կառավարման բաժնի ղեկավար Կարէն Պաղտասարեան ներկայացուցած է «Արմզոն» օնլայն առեւտուրի հարթակը, որ նախագծած է «Սփայքա» ընկերութիւնը:

«Արմզոն»-ը ելեկտրոնային առեւտուրի հարթակ է, ուր հայկական բոլոր արտադրողները հնարաւորութիւն կստանան համացանց կայքի միջոցով վաճառել իրենց արտադրանքը Ռուսաստանի մեծ քաղաքներում: Այսինքն, Ռուսաստանի վերջնական սպառողը համացանց կայքի միջոցով կպատուիրի իր ուզած ապրանքը, եւ մենք Հայաստանից առաւելագոյնը երեք օրում  առաքում ենք իրականացնում ու հենց տանը յանձնում ենք նրանց պատուէրը»,- «Արմէնբրես»-ի հաղորդմամբ` ըսած է Պաղտասարեան:

Ան մանրամասնած է, որ փաթեթը իր մէջ կը ներառէ ամէն տեսակի արտադրանք. «Կարող է լինել մթերք, թեքսթիլ, արուեստի գործ եւ այլն: Այսինքն՝ ամբողջ արտադրատեսակների դաշտը, որը տեղափոխելի է Ռուսաստան, կարող ենք ներառել: Գոյութիւն ունի մինիմալ փաթեթի արժէք որպէսզի պատուէրը հաստատուի: Պատուէրի մինիմալ փաթեթը կազմում է 50 հազար դրամ: Գնի մէջ ներառուած է նաեւ տեղափոխման արժէքը»,- նշած է Կարէն Պաղտասարեանը:

Անոր խօսքով` «Արմզոն» օնլայն առեւտուրի հարթակով ապրանքներու գիները մօտ երկու անգամ աւելի աժան պիտի ըլլան, քան ՌԴ հանրախանութներու մէջ ներկայացուած հայկական ապրանքները:

Սկզբնական շրջանին ծառայութիւնը հասանելի կ’ըլլայ միայն Ռուսաստանի տարածքին, սակայն նախագիծի հեղինակները կը ծրագրեն այն հասանելի դարձնել Եւրասիական տնտեսական միութեան անդամ բոլոր երկիրներուն: Կարէն Պաղտասարեանը տեղեկացուցած է, որ «Արմզոն» օնլայն առեւտուրի հարթակը ՌԴ-ի մէջ հասանելի կ’ըլլայ մէկ ամիսէն, իսկ այդ ընթացքին իրենք պիտի փորձեն որքան հնարաւոր է շատ հայ արտադրողներ ընդգրկել նախագիծին մէջ:

Հարակից Նյութեր

Leave a Comment