Home ՀԱՅԱՍՏԱՆ Որքան Մարդ Լքած է Հայաստանը Վերջին 3 Տարիներուն

Որքան Մարդ Լքած է Հայաստանը Վերջին 3 Տարիներուն

by MassisPost

Հայաստանէն գաղթի հոսքերը ընդհանուր առմամբ նուազած են, սակայն աճած է անվերադարձ մեկնողներու թիւը: Այս մասին  լրագրողներու հետ հանդիպման նշած է «Վերադարձ եւ պաշտպանութիւն» սոցիալ-իրաւական ՀԿ նախագահ Տաթեւիկ Բեժանեան: Ան  ներկայացուցած է վերջին երեք տարիներուն արտագաղթի եւ ներգաղթի տուեալները՝ ըստ իրենց հետազօտութեան, խօսած է փոխանցումային հոսքերու նուազման պատճառներու ու հետեւանքներու մասին:

Անոր խօսքով՝ գաղթի տեղաշարժի մէջ մեծ տոկոս կազմած է երկարաժամկէտ աշխատանքային գաղթի համար մեկնողներու եւ անվերադարձ մեկնողներու թիւը:

«Տարեկան կտրուածքով՝ երկրից անվերադարձ հեռանում է 35 հազար մարդ, սակայն 2016 թուականին անվերադարձ մեկնողների թիւը դարձաւ 37 հազար: Նրանց 47 տոկոսը կազմում են աշխատանքային միկրանթները, իսկ մշտականը՝ 53 տոկոս: Միտում է նկատւում նաեւ բարձր որակաւորում ունեցող մասնագէտների արտահոսքի։ Յուսադրող չեն տուեալները, քանի որ միտումը ցոյց է տալիս, որ կարող է կրկնուել 90-ականների սկզբի իրականութիւնը, այսինքն՝ ուղեղների արտահոսք»,- նշած է Բեժանեան:

Անոր հաւաստմամբ՝ Հայաստանէն աշխատանքային գաղթողներու հիմնական հոսքը կ’ըլլայ դէպի ՌԴ: Ըստ որուն՝ վերջին տարիներուն աշխատանքային գաղթողներու հոսքը նուազած է, բայց այդ պայմանաւորուած է ոչ թէ Հայաստանի ընկերային-տնտեսական վիճակի բարելաւմամբ, այլ ՌԴ տնտեսութեան թուլացմամբ։ Բեժանեանի խօսքով՝ ընդհանուր գաղթի տարիքը 25-54 տարեկանն է, այսինքն՝ վերարտադրողական տարիքն է:

«Միկրացիոն հոսքերի նուազումը բերել է դրամական փոխանցման նուազման, ինչը նոյնպէս պայմանաւորուած է արտաքին գործօններով՝ ՌԴ տնտեսութիւնը վերջին տարիներին վատթարացել է, ռուբլու արժէքը ընկել է: Նուազել են նաեւ առողջապահութեան եւ կրթութեան վրայ ծախսուող գումարները»,- ընդգծած է Տաթեւիկ Բեժանեանը՝ աւելցնելով, որ փոխանցումներու 80 տոկոսը կենցաղային խնդիրներու լուծման համար ծախսուած են:

Հարակից Նյութեր

Leave a Comment