Բրիտանական BBC-ի կայքը ճամփորդութիւններու մասին բաժնին մէջ Հայաստանի մասին յօդուած եւ վառ լուսանկարներու շարք հրապարակած է՝ «Եւրոպական երկիր, որ քրիստոնէութիւնը որպէս պետական կրօն ընդունած է 301 թուականին» վերնագիրով:
Յօդուածին մէջ նշուած է, որ Հայաստանը աշխարհի ամենափոքր երկիրներէն է, բայց հարուստ հոգեւոր պատմութիւն ունի, որ տեսանելի է մինչ օրս:
Հրապարակման մէջ նշուած է Գրիգոր Լուսաւորիչի կեանքի մասին, որ քրիստոնէութիւնը Հայաստան բերած է: Յօդուածը մանրամասն կը պատմէ նաեւ Գառնիի տաճարի, Էջմիածնի, Գեղարդի վանական համալիրի, խաչքարերու, Քարահունջի եւ Եղենիս գիւղի եկեղեցւոյ մասին: