Սոցիալ Դեմոկրատ Հնչակեան Կուսակցութեան Հայ Ամերիկեան Խորհուրդը (ՀԱԽ) Մարտ 7-ին տեղի ունենալիք` Լոս Անճելոսի քաղաքապետական ընտրութիւններուն առթիւ իր զօրակցութիւնը յայտնած է շարք մը թեկնածուներու:
Լոս Անճելըսի քաղաքապետի ընտրութիւններուն ՀԱԽ իր զօրակցութիւնը կը յայտնէ ներկայիս քաղաքապետ Էրիք Կարսէթիի վերընտրութեան:
Սանլէնտ-Թահունկա հայաշատ շրջանը ընդգրկող թիւ 7 ընտրաշրջանէն ներս, ՀԱԽ կը պաշտպանէ Մոնիքա Ռոտրիկէզի թեկնածութիւնը:
Լոս Անճելըսի 13 ընտրաշրջանէն ներս, որ կ’ընդգրկէ Հոլիվուտի թաղամասերը, ներառեալ «Փոքրիկ Հայաստանը», ՀԱԽ իր զօրակցութիւնը կը յայտնէ Միթչ Օ’Ֆարրըլի վերընտրութեան:
ՀԱԽ իր զօրակցութիւնը կը յայտնէ նաեւ Պոպ Պլումընֆիլտին (քաղաքապետարանի 3-րդ ընտրաշրջան), Փոլ Քորթեզին (քաղաքապետարանի 5-րդ ընտրաշրջան), Կրէկորի Մարթաեանին, (Լոս Անճելըսի Ուսումնական Խորհուրդի 4-րդ ընտրաշրջան) եւ Արազ Բարսեղեանին (Լոս Անճելըսի Ուսումնական Խորհուրդի 6-րդ ընտրաշրջան),
Այս առթիւ ՀԱԽ իր հրապարակած յայտարարութեան մէջ կոչ կ’ընէ այս շրջաններու մէջ բնակող մեր հայրենակիցներու, մասնակցելու Մարտ 7-ի ընտրութիւններուն եւ քուէարկելու այս թեկնածուներուն, որոնք միշտ եղած են հայ համայնքի կողքին եւ ծառայած են Լոս Անճելըսի ամբողջ ժողովուրդին եւ նպաստած են քաղաքի յառաջդիմութեան:
