Home ՀԱՅԱՍՏԱՆ «Նոր ընտրական Օրէնքով Արդիւնքները Կանխորոշուած Են». Ստեփան Գրիգորեան

«Նոր ընտրական Օրէնքով Արդիւնքները Կանխորոշուած Են». Ստեփան Գրիգորեան

by MassisPost

Նոր ընտրական օրէնսգիրքը յստակ կը կանխորոշէ, թէ ով պիտի յաղթէ ընտրութիւններուն: Այս մասին երէկ` 21 փետրուարին, լրագրողներու հետ հանդիպման ժամանակ նշած է համաշխարհայնացման եւ տարածաշրջանային համագործակցութեան վերլուծական կեդրոնի նախագահ Ստեփան Գրիգորեանը՝ աւելցնելով, որ փողի, ֆինանսական եւ վարչական ռեսուրսներու գործօնը այս ընտրութիւններուն անչափ մեծ պիտի ըլլայ:

Ան ըսած է, որ հաստատ գիտէ, որ ՀՀԿ-ն 60 տոկոս ձայն պիտի հաւաքէ, ԲՀԿ-ն 15 տոկոս, եթէ, իհարկէ, շրջադարձային փոփոխութիւններ չգրանցուին:

«ՀՀԿ-ն 60 տոկոս, ԲՀԿ-ն 15, «Հայկական վերածնունդը» եւ ՀՅԴ-ն՝ 5-ական: Այս բոլորը միասին կը հաւաքէն ձայների 85 տոկոսը: Մնացած 15 տոկոսից մօտ 7 տոկոս ձայնի շանս ունի ընդդիմադիր չորս ուժերից եւ դաշինքներից միայն մէկը: Մնացած չորս կուսակցութիւններից նրանք կը յայտնուեն փառլամէնթում, որոնք ոչ թէ մեզ խելացի ծրագրերով կը համոզեն, այլ լուրջ քաղաքական պայքարով: Եթէ Սէյրան Օհանեանը եւ Օսկանեանը պլակատները ձեռքին կանգնեն կառավարութեան առջեւ ու բողոքի ակցիա անցկացնեն, ապա ես նրանց կը հաւատամ: Ինձ համար չափորոշիչը քաղաքական պայքարն է, ոչ թէ խելօք ծրագրերը»,-ըսած է ան:

Քաղաքագէտի խօսքով` նոր ընտրակարգը ժողովուրդին խճճելու միտում կը պարունակէ եւ կրնայ լուրջ խնդիր դառնալ ընտրողի համար. «Բարդ համակարգ է: Ես 25 տարի զբաղւում եմ ընտրական օրէնսգրքով, սակայն մինչեւ հիմա ամբողջովին չեմ հասկացել նոր ընտրութեան կարգը: Մարդկանց շփոթեցնելու մեծ միտում եմ տեսնում: Բացի դրանից մէկ շաբաթ է անհրաժեշտ արդիւնքները հաշուելու համար ու դա առանց դիտորդների»:

Քաղաքագէտը ստեղծուած դաշինքներու որակէն գոհ է, անոր խօսքով` ցուցակներու առաջին հորիզոնականներուն վրայ հիմնական խելացի եւ յաղթանակի արժանի մարդիկ են: Սակայն, եթէ անոնք փորձեն համակերպուիլ կամ յարմարուիլ իշխանութեան առաջարկած պայմաններուն, ապա ապագայ չեն ունենար:

Հարակից Նյութեր

Leave a Comment