Պոլսոյ դատարանը յայտնի թուրք լրագրող, հրապարակախօս Հասան Ճէմալին դատապարտած է 1 տարի 3 ամիս ազատազրկման, սակայն պատիժը յետաձգուած է անյայտ պատճառով: Ըստ թրքական «Dogan» լրատուական գործակալութեան`Ճէմալը մեղադրուած է 2016-ին գրած յօդուածներէն մէկուն մէջ «ահաբեկչական կազմակերպութեան օգտին քարոզչութիւն ընելու» մէջ: Դատարանը վճիռ հրապարակելէ առաջ Ճեմալին տուած է վերջին խօսքի իրաւունք: Ան մասնաւորապէս ըսած է.
«47 տարուայ լրագրող եմ: Մինչ օրս իմ կողմէ գրուած յօդուածներու եւ գիրքերու համար այս կերպ չեմ մեղադրուած: Երբեք չեմ պաշտպանած ահաբեկչութիւնը: Միշտ պաշտպանած եմ խաղաղութիւնը: Լրագրութիւնը յանցանք չէ: Այն հասարակութեան մէջ, ուր լրագրութիւնը յանցանք կը համարուի, չկան ազատութիւններ, իրաւունք եւ ժողովրդավարութիւն»:
Աղբիւրը կը նշէ, որ նոյն դատարանին մէջ Հասան Ճէմալի դէմ եւս դատական գործ մը բացուած է, ուր լրագրողին կը սպառնայ մինչեւ 8 տարուայ ազատազրկում: Այդտեղ նոյնպէս Ճեմալը կը մեղադրուի «ահաբեկչական կազմակերպութեան քարոզչութիւն ընելու մէջ»: