Հայաստանի Կենդոնական Ընտրական Յանձնաժողովի արտահերթ նիստին որոշուած է Ազգային ժողովի ընտրութիւններու ժամանակ քուէարկութեան ընթացքին եւ քուէարկութեան արդիւնքներուն ամփոփման գործընթացի տեսանկարահանում եւ միաժամանակեայ համացանցային հեռարձակում կատարել:
Ապրիլ 2-ին ընտրութիւներու ընթացքին ուղիղ հեռարձակում եւ նկարահանում կ’ապահովուի Եւրամիութեան ֆինանսական աջակցութեամբ: Այս հարցով ստեղծուած ընդդիմադիրներու եւ իշխանութեան ներկայացուցիչներու յանձնաժողովը որոշած էր` բաւարարուելով եղած ֆինանսական միջոցներով, նկարահանում ապահովել ոչ թէ բոլոր շուրջ 2000, այլ առնուազն 1500 ընտրատեղամասերու մէջ, այսինքն 500 ընտրա-տեղամասեր կը մնան առանց նկարահանման:
