Երեւանի մէջ լոյս տեսած է Արցախեան գոյամարտի հերոսներու կեանքին ու սխրանքներուն մասին պատմող, Արցախի ազատագրման տարեգրութիւնը ներկայացնող «Յուշամատեան ոգեկոչման» գիրքը: Այս մասին կը տեղեկացնէ ՀՀ պաշտպանութեան նախարարութեան տեղեկատուութեան եւ հասարակայնութեան հետ կապերու վարչութիւնը:
Գիրքը ստեղծուած է ՀՀ պաշտպանութեան նախարարութեան եւ ստեղծագործական յանձնախումբի երկամեայ ջանքերուն ու պրպտումներուն շնորհիւ: Ուսումնասիրուած են Արցախեան պատերազմի մասին նախորդ տարիներուն տպագրուած գրականութիւնն ու մամուլը, ՀՀ ԲՆ «Եռաբլուր» զինուորական անուշահամութիւնի, «Մայր Հայաստան» ռազմական պատմութեան թանգարանի եւ ԿԵՄ վարչութեան արխիւները: Զոհուածներու ընտանիքներու անդամներուն եւ ազատամարտիկներուն հետ հանդիպումներու ընթացքին ձեռք բերուած տեղեկութիւններն ու յիշողութիւնները հարստացուցած ու ամբողջացուցած են գիրքը:
«Յուշամատեան»-ը ընդգրկած է բացառապէս Արցախեան պատերազմի առաջին օրերէն մինչեւ 1994-ի զինադադարը «Եռաբլուր» զինուորական անուշահամութիւնին մէջ հանգչող 559 զոհուածներու կենսագրականները:
«Յուշամատեան ոգեկոչման» գիրքի ստեղծման իր անգնահատելի աջակցութիւնը ունեցած են սփիւռքահայ բարերար Միքայէլ Արքունեանը, ՀՀ ԳԱԶԱ պատմութեան հիմնարկի, Երեւանի պետական համալսարանի պատմութեան բաժանմունքի ղեկավարները, «Երկրապահ կամաւորականներու միութիւն»-ը, կամաւորական ջոկատներու հրամանատարները, զոհուածներուն ընտանիքները եւ մարտական ընկերները:
