Home ԳԼԽԱՒՈՐ ԼՈՒՐԵՐ Հայաստանի Մէջ 2015 Թուականին Աղքատութեան Մակարդակը Կազմած է 29.8 Տոկոս

Հայաստանի Մէջ 2015 Թուականին Աղքատութեան Մակարդակը Կազմած է 29.8 Տոկոս

by MassisPost

2015 թ. Հայաստանի մէջ աղքատութեան մակարդակը վիճակագրօրէն չէ փոխուած։ 2014-ի համեմատ ան նուազած է ընդամէնը 0.2 տոկոսային կէտով եւ կազմած 29․8 տոկոս, այսինքն՝ երկրի իւրաքանչիւր 10 բնակիչէն մօտ 3-ը ամսական 41 698 դրամ վերին աղքատութեան գիծը չէ յաղթահարած: «Արմենպրէս»-ի հաղորդմամբ՝ այս մասին 7 նոյեմբերին ըսաւ Ազգային վիճակագրական ծառայութեան (ԱՎԾ) տնային տնտեսութիւններու հետազօտութիւններու բաժնի պետ Տիանա Մարտիրոսովան՝ ներկայացնելով «Հայաստանի սոցիալական պատկերը եւ աղքատութիւնը» զեկոյցը։

2015-ին Հայաստանի աղքատութեան մակարդակը դեռ չէ նուազած 2008-ի աղքատութեան մակարդակէն։ Տարբերութիւնը 2.2 տոկոսային կէտ է, իսկ ծայրայեղ աղքատութեան` 0.4 տոկոսային կէտ:

Ինչպէս ներկայացուց Մարտիրոսովան, 29.8% աղքատներու ընդհանուր թուաքանակի մէջ 8.4%-ը շատ աղքատ է, 2%-ը՝ ծայրայեղ աղքատ, մնացած 19.4%-ը՝ ուղղակի աղքատ։

«2015-ին աղքատների ընդհանուր թուաքանակը կազմել է մօտ 900 հազար մարդ՝ մշտական բնակչութեան ցուցանիշի հաշուով։ Նրանցից շատ աղքատների թուաքանակը՝ ներառեալ ծայրայեղ աղքատները` մօտ 310 հազար, այդ թուում ծայրայեղ աղքատներ ՝ 60 հազար մարդ»,- ըսաւ ան:

Մարտիրոսովայի խօսքով` 2015-ին աղքատութեան մակարդակն ըստ քաղաքային եւ գիւղական բնակավայրերու չնչին է՝ 29.4% եւ 30.4%:

«2008-2015 աղքատութեան մակարդակի աճը քաղաքային եւ գիւղական բնակավայրերում կազմում է համապատասխանաբար 1.8 և 2.9 տոկոսային կէտ: Ըստ տարածաշրջանների՝ մայրաքաղաք Երեւանում աղքատութեան մակարդակն ամենացածրն է՝ 25%, եւայլն 1.4 անգամ ցածր է, քան Երեւանից դուրս այլ քաղաքային բնակավայրերում»,- ըսաւ ԱՎԾ տնային տնտեսութիւններու հետազօտութիւններու բաժնի պետը:

Անոր տեղեկացմամբ, աղքատութեան ամենաբարձր մակարդակը գրանցուած է Շիրակի մարզին  մէջ` 45 տոկոս:

Համաշխարհային դրամատան Երեւանի գրասենեակի ծրագրերու համակարգող Ալեքսան Յովհաննիսեանը տնային տնտեսութիւններու հետազօտութիւններու արդիւնքներու նկատմամբ տարուէ տարի կը տեսնէ աճող հետաքրքրութիւն, ինչը ըստ անոր նաեւ նշան է ԱՎԾ-ի կողմէ շատ լաւ աշխատանքի կատարման: Յովհաննիսեանի խօսքով` այդ տուեալները շատ օգտակար են բոլորի համար, իրենց քաղաքականութիւններու եւ ռազմավարութիւններու վերանայման եւ ճշգրտումներ կատարելու համար: «Տարածաշրջանում առաջին անգամ ներդրուեց բազմաչափ աղքատութեան վերլուծութիւնը: Այն հնարաւորութիւն է տալիս տարբեր ոլորտներում աւելի թիրախաւորուած քաղաքականութեան ներդրման»,- նշեց Ալեքսան Յովհաննիսեանը:

ՀՀ ազգային վիճակագրական ծառայութեան նախագահ Ստեփան Մնացականեանի խօսքով` աղքատութեան տարբեր սահմանումներ կարելի է տալ: «Վերջին հաշուով, այն կարիքները բաւարարելու կարողութիւն է»,-ըսաւ ան:

ՄԱԿ-ի մանկական հիմնադրամի հայաստանեան գրասենեակի ներկայացուցչի տեղակալ Լիվ Էլին Ինդրեյտենը իր հերթին ընդգծեց, որ Հայաստանի մէջ երեխաները կը շարունակեն մնալ աղքատութեան վտանգային խումբերու մէջ: Անոր խօսքով՝ այդ շատ վտանգաւոր է, քանի որ հետեւանքները ոչ միայն այդ պահին նկատելի են, այլ նաեւ երկար ժամանակ անց: «Մինչև 2030 թուականը պէտք է նուազեցնել աղքատութիւնը, այստեղ շեշտուած են երեխաները: Հետազօտութեան ընթացքին կիրառուած են նոր կերպաբանութիւն եւ վերլուծութիւններ: Ըստ որուն, պարտադիր չէ, որ աղքատութիւնը նիւթական լինի: Հաշուի են առնուել նաեւ կենսապահովման պայմաններն ու մի շարք այլ գործօններ»,- ըսաւ ան՝ աւելցնելով, որ Հայաստանը միակ երկիրն է, ուր աղքատութիւնը կը չափուի նման կերպաբանութեամբ:

Հարակից Նյութեր

Leave a Comment