Հայաստանի պաշտպանութեան նախարար Վիգէն Սարգսեան Նոյեմբեր 1-ին, Նախարարութեան վարչական համալիրէն ներս հանդիպում ունեցաւ ԵԱՀԿ գործող նախագահի անձնական ներկայացուցիչ Անճէյ Կասպրչիկի հետ:
Հանդիպման ընթացքին ՀՀ պաշտպանութեան նախարարը ներկայացուց հայ-ատրպէյճանական զօրքերու շփման գիծին վրայ տիրող իրավիճակը, ընդգծելով, որ վերջին շաբաթներու ընթացքին Ատրպէյճան պարբերաբար լարուածութիւն կը ստեղծէ շփման գիծին վրայ: Նախարարը յայտնեց, որ կրակոցներու ե°ւ քանակը եւ կիրառուող զէնքերու տրամաչափը բարձրացած է:
Ըստ նախարար Սարգսեանի, այս սադրանքներուն Հայաստանի զինուած ուժերը կը պատասխանեն միայն խիստ անհրաժեշտութեան պարագային‘ հաւատարիմ մնալով որդեգրած զսպման մարտավարութեան:
Դեսպան Կասպրչիկ իր հերթին նշեց, որ ԵԱՀԿ անձնական ներկայացուցչի գրասենեակը շարունակական աշխատանքներ կ’իրականացնէ, շփման գիծին վրայ լարուածութեան նուազման նպատակով եւ յոյս յայտնեց, որ յառաջիկային կը յաջողուի առաջընթաց արձանագրել այս ուղղութեամբ: