Home ՀԱՅԱՍՏԱՆ Առանց Ժողովուրդի Աշխուժ Մասնակցութեան, Դժուար Կ′ըլլայ Իրականացնել Կառավարութեան Ծրագիրը. Վարչապետ

Առանց Ժողովուրդի Աշխուժ Մասնակցութեան, Դժուար Կ′ըլլայ Իրականացնել Կառավարութեան Ծրագիրը. Վարչապետ

by MassisPost

Ակնյայտ է, որ առանց մեր ժողովուրդի լայն շերտերու աշխուժ մասնակցութեան կառավարութեան համար չափազանց դժուար կ′ըլլայ հասնիլ ծրագրուած արդիւնքներուն: Այս մասին 20 հոկտեմբերին խորհրդարանին մէջ ըսաւ Կարէն Կարապետեանը։

«Մենք ակնկալում ենք Ձեր օգնութիւնն ու աջակցութիւնը: Կոչ ենք անում մեր հայրենակիցներին եւ բոլոր նրանց, ովքեր պարզապէս անտարբեր չեն Հայաստանի նկատմամբ՝ մասնակից լինել եւ դրսեւորել ակտիւ քաղաքացիական դիրքորոշում: Շնորհակալ կը լինենք Ձեր խորհուրդների, նախաձեռնութիւնների եւ նոր առաջարկների համար: Հրաւիրում ենք նաեւ զանգուածային լրատուամիջոցներին կառավարութեան քայլերն ակտիւ եւ օբյեկտիւ լուսաբանելու։ Մենք ունենք ժողովրդին մեր ձեռքբերումներն ու թերացումները ճշմարտացի ներկայացնելու Ձեր օգնութեան կարիքը եւ ամէն կերպ աջակցելու ենք ազատ եւ անաչառ լրատուամիջոցների կայացմանը: Աշխատանքում կը լինենք անկեղծ, հետեւողական, քննադատութիւններին արձագանքող, ուշադիր եւ պատրաստակամ՝ բոլոր առողջ մտքերը կեանքի կոչելու:

Հրաւիրում ենք բոլորին՝ ներդրողներին, մասնագէտներին, արուեստագէտներին, գիտնականներին, հողի մշակներին, մասնակցելու Հայաստանի զարգացման ծրագրերի իրականացմանը՝ մեր երազած երկրի կառուցմանը։ Մենք լաւատեսական տրամադրութեամբ եւ վճռականութեամբ պէտք է ձեռնամուխ լինենք մեր հայրենիքի կերտմանը: Ուժեղ, գրաւիչ, ապագային վստահօրէն նայող երկիր կառուցելու գործում յուսահատութիւնն ու յուսալքութիւնը, մէկս միւսի նկատմամբ անհանդուրժողականութիւնն օգտակար չեն: Ես վստահ եմ մեր ժողովրդի լաւատեսութեան եւ կամքի ուժի վրայ, վստահ եմ, որ միասնաբար եւ համախմբուած մենք կարող ենք յաղթահարել ցանկացած դժուարութիւն»,– ըսաւ վարչապետը։

Հարակից Նյութեր

Leave a Comment