ՌԴ ռազմարդիւնաբերական համալիրի տնօրէնները հաստատած են «Իսկանդեր» համալիրի տրամադրումը հայկական բանակին՝ մէկ բաժանմունքի քանակով: Անոնք յստակացուցած են, որ «Ռոսօբորոնէքսպորտը», որեւէ առնչութիւն չ΄ունի անոր հետ, քանի որ այդ զինատեսակը ձեռք բերուած է ՀԱՊԿ շրջանակի զէնքի առաքումներու մասին համաձայնագրի հիման վրայ` շրջանցելով պետական միջնորդին, կը գրէ «Վեդոմոստին»:
«Իսկանդեր» համակարգը ցուցադրուած Սեպտեմբեր 21-ի Անկախութեան 25-ամեայ տարեդարձին նուիրուած ռազմական շքերթի փորձի ժամանակ:
Ինչպէս յայտնի է, ՌԴ-ն ու Հայաստանը 200 մլն. տոլարի զէնքի մատակարարման պայմանագիր ունին, որու գումարը վարկի տեսքով տրամադրած է ՌԴ-ն: «Իսկանդեր» համալիրը այդ փաստաթղթին մէջ չէ յիշուած եւ ըստ տնօրէնին, այդ զինատեսակի առաքման մասին պայմանագիրը կնքուած է այդ վարկէն դուրս:
Ըստ պահեստի գնդապետ Վիքթոր Մուրախովսկիի, «Իսկանդերի» առաքման հնարաւոր նուազագոյն քանակը 1 բաժանմունք է 4 գործարկող սարքով` երկուքական հրթիռ իւրաքանչիւրին: Ըստ անոր, կարելի է ենթադրել, որ ճիշդ այդ քանակը առաքուած է Հայաստան: Հրթիռը արդիւնաւէտ միջոց է հրամանատարական շտաբերի եւ հրետանիի, ինչպէս նաեւ՝ հակազդեցիք հրետանիի խոցման համար: Այդ պատճառով, կարեւոր է հայկական բանակին:
Ըստ «Վեդոմոստիի» զրուցակիցին, «Իսկանդերը» լուրջ միջոց կը դառնայ Ազրպէյճանի զսպման համար:
ՀՀ պաշտպանութեան նախարար Սէյրան Օհանեան, 2014-ի Սեպտեմբերին յայտարարեց, որ Հայաստանի զինուած ուժերը կը համալրուին նոր հեռահար զէնքով: Նախապէս, պաշտպանութեան նախարարը ըսած էր, որ նոր՝ «հեռահար, գերճշգրիտ» սպառազինութեան ձեռքբերումը կ΄աւարտի 2014-ին.: Բացառուած չէ, որ խօսքը ռուսական «Իսկանդեր» գործնական ռազմավարական հրթիռային համակարգի արդիականացուած նախատիպի մասին է:
