Ամերիկեան Stratfor հետազօտական-վերլուծական կեդրոնը այսօր ծաւալուն վերլուծութիւն հրապարակած է, ուր անդրադարձ կատարած է վերջին շաբթուան աշխարհաքաղաքական կարեւոր իրադարձութիւններուն` Ռուսաստան-Թուրքիա յարաբերութիւններուն, ՌԴ նախագահի վարած քաղաքականութեան, ՕՊԵԿ-ին, Վենեզուելլայի մէջ , Չինաստանի, Սուրիոյ մէջ տիրող իրավիճակին, ՌԴ եւ Գերմանիոյ ԱԳՆ ղեկավարներու Եկատերինբուրգեան հանդիպման:
Կեդրոնի փորձագէտները կը նշեն, որ անցած շաբաթ ՌԴ նախագահ Վլատիմիր Փութին ու Թուրքիոյ նախագահ Ռեճեփ Թայէպ Էրտողան վերականգնեցին իրենց աշխարհաքաղաքական կապերը Ս. Փեթերսպուրկի մէջ:
Թուրքիան ժամանակը օգտակործեց եւ համապատասխան առաջարկով դիմեց Ռուսաստանին` համակարգելու ՏԱՀԷՇ-ի թիրախներուն հասցուող հարւածները: Կը նշուի, նաեւ որ տնտեսական մասը համեմատաբար դիւրին լուծելի է, աւելի վիճահարոյց են Սուրիոյ առնչուող հարցերը:
Ըստ նոյն աղբիւրին Կը Թուրքիա օգտագործած է ՏԱՀԷՇ-ին կողմէ աճող սպառնալիքը` որպէս Ռուսաստանի հետ մերձեցման առանցքային գործօն եւ մղած Ռուսաստանը Սուրիոյ հարցով երկխօսութեան (այնպէս, ինչպէս Ռուսաստանը կատարեց Միացեալ Նահանգներու հետ):
«Թուրքիան յոյսով է, որ Ռուսաստանէն կրնայ ստանալ երաշխիքներ` չմիջամտելու Հիւսիսային Սուրիոյ գործողութիւններուն մէջ: Եթէ Թուրքիան վերսկսի օդային հարուածները Սուրիոյ մէջ, ապա այդ ակնյայտ ապացոյց կը դառնայ, որ Փութինը յաջողութիւններու հասած է Էրտողանին հետ բանակցութիւններու ժամանակ շարք մը հարցերուն, մասնաւորապէս խօսքը Լեռնային Ղարաբաղի հարցով Ռուսաստանի ծրագիրներուն չմիջամտելու մասին է, ինչպէս նաեւ Սեւ ծովի տարածքին ՆԱԹՕ-ի հնարաւորութիւններուն սահմանափակումը եւ «Թրրքական հոսք» ուժային նախագիծի իրականացումը»,- գրուած է վերլուծութեան մէջ:
Stratfor կը կարծէ նաեւ, որ Ռուսաստանը կը շարունակէ օգտագործել իր ռազմական ներկայութիւնը Սուրիոյ մէջ եւ կ՛աջակցի քիւրտերուն` որպէս Թուրքիոյ նկատմամբ զսպող գործօն:
